Rashmi Desai Video Social Media Trollers Angry : टीव्ही मनोरंजन विश्वातील प्रसिद्ध अभिनेत्री आणि बिग बॉस च्या १३ व्या सीझनमधून लोकप्रिय झालेली रश्मि ही आता वेगळ्याच कारणामुळे चर्चेत आली आहे. गेल्या काही दिवसांपासून ती ट्रोल होत आहे. मात्र आता तिनं त्यावरुन नेटकऱ्यांना सुनावले आहे.

रश्मिनं सोशल मीडियावर एक पोस्ट शेयर केली असून त्याची चर्चा सुरु झाली आहे. तिला ज्या नेटकऱ्यांनी ट्रोल केले आहे त्यांना तिनं सडेतोडपणे उत्तरही दिलं आहे. तुमचे प्रेम मिळते मात्र अनेकदा तुम्ही जे बोलता ते आमच्यासाठी नकारात्मक असते. असे रश्मिनं म्हटले आहे.

Also Read - Libya Flood : मृतदेहांचा रस्त्यावर खच,मदतीची केविलवाणी प्रतीक्षा, युद्धाच्या आगीतून बाहेर

तो व्हिडिओ शेयर करताना रश्मिनं आपल्या भावना व्यक्त केल्या आहेत. तिला नेहमीच वेगवेगळ्या कारणासाठी ट्रोल करणाऱ्यांना तिनं सुनावलं आहे. ती म्हणते आपण आयुष्यात पुढे जाण्याचा विचार करतो मात्र आपल्याला काही जण वेगळ्याच दृष्टिकोनातून पाहतात. त्यांना जसे वाटते तसे आपण नसतो. त्यामुळे त्यांनी जो आपला प्रचार सुरु केला असतो त्यामुळे व्यथित व्हायला होते.

तुम्ही जगा आणि आम्हालाही जगू द्या..असे रश्मिनं तिला ट्रोल करणाऱ्यांना म्हटले आहे. तुम्हाला ज्या गोष्टींचा संदर्भ माहिती नाही त्याविषयी ट्रोल करणं बंद करा. सगळ्यात महत्वाचे म्हणजे दुसऱ्यांच्या भावनांशी खेळणं बंद करा. त्याचा सेलिब्रेटींना होणारा त्रास तुमच्यापर्यत पोहचत नाही. अशा शब्दांत रश्मिनं तिच्या भावना व्यक्त केल्या आहेत.

रश्मिच्या वेगवेगळ्या प्रोजेक्टविषयी सांगायचे झाल्यास आगामी काळात तिच्याकडे काही चित्रपट आहेत. याशिवाय तिच्या नवीन मालिकाही प्रेक्षकांच्या भेटीला येण्याची शक्यता आहे. यापूर्वी ती रात्री के यात्री २ नावाच्या मालिकेमध्ये दिसली होती. त्यात तिच्यासोबत भोजपूरी अभिनेत्री मोनालिसा ही मुख्य भूमिकेत होती.

रश्मिच्या नागिन ३ ही मालिका देखील खूप चर्चेत आली होती. प्रसिद्ध निर्माती एकता कपूरच्या त्या मालिकेनं नेटकऱ्यांची खूपच लोकप्रियता मिळवली होती. त्यातील तिच्या फर्स्ट लूकला चाहत्यांची प्रसिद्धी मिळाली होती. रश्मिका ही नेहमीच सोशल मीडियावर चर्चेचा विषय राहिली आहे.