Rashmika Mandanna Marriage: नॅशनल क्रश म्हणुन ओळखली जाणारी अभिनेत्री म्हणजे रश्मिका मंदाना. श्रीवल्लीने तिच्या अभिनय आणि सौदर्यांमुळे ती चाहत्यांच्या मनावर राज्य करत आहे, तिच्या चाहत्यांची संख्या काही कमी नाही. तिने साउथ पासून बॉलिवूडपर्यंत अभिनयाचा ठसा उमटवला आहे.

गेल्या काही दिवसांपासून रश्मिका तिच्या वैयक्तिक आयुष्यामुळे चर्चेत आहे. तिच्या डेटिंगच्या अफवा अनेकदा आल्या आहेत. तिचे नाव साउथ अभिनेता विजय देवरकोंडासोबत अनेकदा जोडलं गेलं आहे. दोघांचे फोटोही सोशल मीडियावर व्हायरल होत असतात.

मात्र आता रश्मिकाने गुपचूप लग्न केल्याचं सांगितलं आहे. मात्र तो विजय देवराकोंडा नव्हे तर तो दुसराच कोणी आहे. अलीकडेच एका मुलाखतीदरम्यान रश्मिकानं सांगितलं की ती आधीच विवाहित आहे. रश्मिकाच्या या प्रतिक्रियेमुळे तिथे बसलेल्या सर्वांनाच धक्का बसला. मात्र तिने कुणासोबत लग्न केलं आहे याचा खुलासा करताच सगळे हसु लागले. तिने एनीम कॅरेक्टर 'नारुतो'शी गुपचूप लग्न केले आहे.

रश्मिकाने एनीम कॅरेक्टर 'हिनाटा' प्रमाणे बनण्याची इच्छा व्यक्त केली त्याचबरोबर तिच्या केसांच्या जांभळा रंग व्हावा अशी देखील तिची इच्छा होती. ती म्हणाली की, 'नारुतोकडे माझं हृदय आहे. ते माझे आवडतं पात्र आहे. मी त्यांच्यासोबत लग्न केले आहे.

'नारुतो' ही जपानी अॅनिम मालिका आहे. ही लोकप्रिय मालिका आहे. अनेकांना या मालिकेनं वेडं केलं आहे. त्यांचीच चाहती आता रश्मिका झाली आहे.

रश्मिका आता 'अ‍ॅनिमल' चित्रपटात दिसणार आहे. या चित्रपटात ती रणबीर कपूर आणि अनिल कपूर यांच्यासोबत काम करणार आहे. संदीप रेड्डी वंगा यांनी या चित्रपटाचे दिग्दर्शिन केले आहे. त्याचबरोबर ती पुष्पा 2 या चित्रपटातही दिसणार आहे.