बॉलिवूड अभिनेत्री रवीना टंडनने अनेक उत्कृष्ट चित्रपट केले आहेत. अभिनेत्रीने स्वतःच्या अटींवर चित्रपटांमध्ये काम केले आहे. अलीकडेच एका मुलाखतीदरम्यान रवीनाने तो काळ आठवला जेव्हा तिने 'स्विमिंग कॉस्ट्यूम' घालण्यास किंवा चित्रपटात किसिंग सीन करण्यास नकार दिला होता.

अभिनेत्रीने सांगितले की तिने तिच्या चित्रपटांमध्ये बलात्काराचे सीन फक्त एका अटीवर केले की तिचे कपडे फाटलेले नाही पाहिजेत.

एका वृत्तवाहिनीशी बोलताना रवीना म्हणाली, 'मला अनेक गोष्टींमुळे अस्वस्थ व्हायचे. जसे डान्स स्टेप्स, मला कशातही अस्वस्थता वाटत असेल, तर मी म्हणायचे ऐका, मी या सस्टेप्ससाठी कंफर्टेबल नाही.

मला स्विमिंग कॉस्ट्यूम घालायचा नव्हता आणि मी किसिंग सीनही केले नव्हते. म्हणूनच माझ्याकडे माझा फंडा होता. मी एकमेव अभिनेत्री आहे जिने बलात्काराचे सीन केले पण कपडे अजिबात फाटलेले नव्हते.

रवीना म्हणाली, "मेरा ड्रेस फटेगा नहीं... तुम कर लो रेप सीन अगर करना है. म्हणूनच ते मला अहंकारी म्हणायचे." रवीना म्हणाली, “डर पहिल्यांदा माझ्याकडे आला, जरी ते अश्लील नव्हते, परंतु डरमध्ये असे काही सीन्स होते जे मला आवडत नव्हते. मी कधीच स्विमिंग कॉस्ट्यूम घातला नाही. मी म्हणाले , 'नाही, मी स्विमिंग कॉस्ट्यूम घालणार नाही.'

रवीना टंडनने सलमान खानसोबत पत्थर के फूल (1991) या चित्रपटातून बॉलिवूडमध्ये पदार्पण केले. ती ९० च्या दशकातील सर्वात लोकप्रिय अभिनेत्रींपैकी एक होती.

रवीनाने 'मोहरा', 'अंदाज अपना अपना', 'लाडला', 'बडे मियाँ छोटे मियाँ', 'दुल्हे राजा'सह अनेक हिट चित्रपटांमध्ये काम केले. रवीना शेवटची KGF: Chapter 2 मध्ये दिसली होती. लवकरच ती संजय दत्तसोबत 'घुड़चढ़ी'मध्ये दिसणार आहे.