करण जोहरच्या 'कल हो ना हो' या चित्रपटातील फ्रँकी रामदयाल आठवतोय का? अभिनेता दीपेश भट्टने ती भूमिका साकारली होती. चित्रपटातील ही सहाय्यक भूमिकासुद्धा चांगली गाजली होती. मात्र त्यानंतर त्याने अभिनय क्षेत्रातील करिअरला रामराम केला. आता तोच दीपेश बॉलिवूड इंडस्ट्रीतल्या मोठमोठ्या कलाकारांचा फिटनेस ट्रेनर आहे. आमिर खान, रणबीर कपूर, जॅकलिन फर्नांडिस यांसारख्या सेलिब्रिटींना तो फिटनेसचे धडे देतो. 'कल हो ना हो'मध्ये 'कूल डीजे' साकारणारा हा दीपेश आता ओळखताही येणार नाही, इतका बदलला आहे.
सोशल मीडियावरील या फोटोंमध्ये दीपेशचा बदललेला लूक पाहायला मिळतोय. त्याच्या शरीरावर अनेक टॅटूसुद्धा आहे. दीपेश शंकराला फार मानत असून शरीरावर त्याने शंकराचा टॅटू काढला आहे. त्याचसोबत त्याने त्याच्या इन्स्टाग्राम अकाऊंटवर 'शिवोहम ऑफिशिअल' असं नाव लिहिलं आहे. दीपेशने सेलिब्रिटी ट्रेनर वृंदा मेहताशी लग्न केलं आहे. या दोघांनी मिळून 'शिवफिट' हा फिटनेस ब्रँड लाँच केला आहे.
२००३ मध्ये करण जोहरचा 'कल हो ना हो' हा चित्रपट प्रदर्शित झाला होता. यामध्ये शाहरुख खान, सैफ अली खान आणि प्रिती झिंटा यांच्या मुख्य भूमिका होत्या. निखिल अडवाणी दिग्दर्शित या चित्रपटाला बॉक्स ऑफिसवर खूप चांगला प्रतिसाद मिळाला होता. यातील छोट्यातली छोटी भूमिकासुद्धा प्रेक्षकांच्या लक्षात आहे. काही दिवसांपूर्वी याच चित्रपटात जियाची भूमिका साकारणाऱ्या झनक शुक्लाचे फोटो सोशल मीडियावर व्हायरल झाले होते. झनकसुद्धा आता चित्रपटांपासून दूर गेली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.