Republic Day 2023: आज आपण ७४वा प्रजासत्ताक दिन साजरा करत आहोत देशात सगळीकडे उत्साह आनंद साजरा होत आहेत. नवी दिल्लीतील राजपथ येथे आयोजित परेड पाहून लोक हा दिवस साजरा करतात. यंदा कर्तव्यपथावर भव्य सोहळ्याचे आयोजन करण्यात आले आहे.

बाजारपेठांपासून सार्वजनिक ठिकाणांपर्यंत सर्व काही तिरंग्याने सजले आहे आणि प्रत्येक गल्लीबोळात देशभक्तीपर गाणी ऐकायला मिळतात. या राष्ट्रीय सणाच्या निमित्ताने सिनेविश्वातील सेलिब्रिटीही मागे नाहीत, त्यांनी त्यांच्या सोशल मीडिया अकाउंटवरून चाहत्यांना शुभेच्छा दिल्या आहेत.

(Republic Day 2023: Akshay Kumar, Kangana Ranaut to Allu Arjun, celebs extend heartfelt wishes to fans)

हेही वाचा: ....इथं तयार होतो आपला लाडका तिरंगा

अक्षय कुमारने शुभेच्छा देताना एक मोठा इशारा दिला आहे. तो लवकरच एक मोठी घोषणा करणार असल्याचे दिसत आहे. त्यांनी लिहिले, "तुम्हा सर्वांना प्रजासत्ताक दिनाच्या शुभेच्छा. आपल्या गौरवशाली वारशाची आठवण करून देणारा दिवस. यंदाचा दिवस माझ्यासाठी सर्वात खास असणार आहे. का ते तुम्हाला लवकरच कळेल. जय हिंद."

तर चिरंजीवी यांनी एक भावनिक पोस्ट लिहिली आहे, "स्वातंत्र्याच्या अमूल्य देणगीबद्दल आणि जगातील महान संविधानांपैकी एक संविधान आपल्याला दिलेल्या वीरांना स्मरण आणि अभिवादन.

तर अल्लु अर्जुन म्हणतो, '' सर्व भारतीयांना ७४ व्या प्रजासत्ताक दिनाच्या हार्दिक शुभेच्छा. आपल्या राज्यघटनेच्या अंमलबजावणीचा उत्सव साजरा करूया, ज्यामुळे आपले राष्ट्र सुरुळीत चालले आहे.''

तर कंगना राणावतने ही ट्विट केले आहे, ''बॉलिवूडची धाकड हिरोईन कंगना राणावत ने देखील तिचे सोशल मीडिया अकाऊंट पुन्हा सुरू झाल्यावर तिने बसंत पंचमी आणि प्रजासत्ताक दिनाच्या शुभेच्छा, असे म्हंटले आहे.