Richest Actor News बॉलिवूडमध्ये सर्वांत श्रीमंत अभिनेता कोण असा प्रश्न सातत्याने विचारला जातो. यात अनेक अभिनेत्यांचे नाव आघाडीवर असते. यातही तिन्ही खानांचे नाव घेतले जाते. यात ‘खिलाडियों का खिलाडी’ अक्षय कुमार कितव्या स्थानावर आहे, याची माहिती चित्रपट निर्माता अनुराग कश्यपने (Anurag Kashyap) दिली आहे. अक्षय कुमार (Akshay Kumar) जगातील सहाव्या क्रमांकाचा श्रीमंत अभिनेता आहे, असे कश्यपने एका मुलाखतीत सांगितले.
अनुराग कश्यप सध्या त्याचा आगामी चित्रपट ‘दोबारा’च्या प्रमोशनमध्ये व्यस्त आहे. चित्रपटाच्या प्रमोशन इव्हेंटमध्येच अनुरागने हे सांगितले. तापसी पन्नू आणि अनुराग कश्यप सध्या ‘दोबारा’ या चित्रपटाचे प्रमोशन करीत आहे. अलीकडेच या चित्रपटाच्या प्रमोशनमध्ये तापसीची तुलना अक्षय कुमारशी केली जात आहे, असे विचारण्यात आले.
कारण, तापसीही अक्षय कुमारप्रमाणे अनेक चित्रपट करीत आहे. ‘तिचा पेमेंट धनादेश अक्षय कुमारच्या पेमेंट धनादेशशी जुळत नाही. आणि तो खूप कमावतो’ असे प्रश्नाच्या उत्तरात तापसी म्हणाली होती. आता अनुरागने (Anurag Kashyap) खुलासा केला की, अक्षय जगातील सहाव्या क्रमांकाचा श्रीमंत अभिनेता आहे.
नुकत्याच एका मुलाखतीत सिद्धार्थ कन्ननने तापसीबद्दल ‘लेडी अक्षय कुमार’ असे म्हटल्याचे ट्विट वाचल्याचे सांगितले. कारण, तिने अनेक चित्रपट केले आहेत. हे ऐकून तापसी म्हणाली, ‘माझे मानधन अक्षय कुमारच्या मानधनाशी जुळले असते तर मी हे मान्य केले असते. मानधन जुळत नाही तोपर्यंत कृपया असे काही बोलू नका.’
अक्षय कुमार (Akshay Kumar) सर्वांत जास्त कमाई करणारा अभिनेता आणि सर्वांत जास्त कर देणारा अभिनेता आहे. मात्र, मला एवढा पगार मिळत नाही. हे ऐकून अनुराग कश्यपने उत्तर दिले की, तो जगातील सहाव्या क्रमांकाचा श्रीमंत अभिनेता आहे. यानंतर तापसी म्हणाली की, कमाई करण्याच्या बाबतीच अक्षय कुमारच्या जवळही जाऊ शकत नाही.
फोर्ब्स इंडियाच्या मते, अक्षय कुमार हा एकमेव भारतीय सेलिब्रिटी आहे ज्याला २०१९ मध्ये फोर्ब्स यूएसच्या जगातील सर्वांत जास्त मानधन घेणाऱ्या सेलिब्रिटींच्या यादीत जास्त मानधन मिळाले आहे. तो ५१७ कोटींच्या कमाईसह ३३ व्या क्रमांकावर आहे. २०२० मध्ये अक्षय जगातील सर्वाधिक मानधन घेणाऱ्या कलाकारांच्या यादीत सहाव्या क्रमांकावर होता. फोर्ब्स मॅगझिननुसार, अक्षय दरवर्षी ३८५ कोटी कमावतो. कमाईतील बहुतांश भाग तो जाहिरातींद्वारे कमावतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.