पुणे : मराठी चित्रपट सृष्टीतील प्रसिद्ध अभिनेता सिद्धार्थ चांदेकर आणि मिताली मयेकर यांचा नुकताच लग्न समारंभ पार पडला. गेल्या कित्येक दिवसांपासून या दोघांच्या लग्नाची चर्चा सुरु होती. त्यांच्या मेहंदी आणि संगीत सोहळ्याच्या कार्यक्रमांच्या फोटोला नेटकऱ्यांची विशेष पसंती मिळाली. सिद्धार्थ आणि मिताली हळदी समारंभा दिवशी जोरदार डान्स केला. त्यांच्या डान्सचे व्हिडियो सोशल मीडियावर व्हायरल होत आहेत.
पुण्यातील प्रसिद्ध 'ढेपे वाडा' येथे २४ जानेवारीला मिताली आणि सिद्धार्थचा शाही सोहळा पार पडला.या सोहळ्याची सुरवात मितालीच्या ग्रँड एन्ट्रीने झाली. डोलीमधून मितालीला मंडपात आणले. मितालीने हिरव्या रंगाची नऊवारी साडी नेसली होती.
खोपा, नथ, चंद्रकोर असा श्रुंगार मितालीने केला होता या मराठमोळ्या लुकमध्ये मिताली खुप सुंदर दिसत होती. मिताली नंतर सिद्धयर्थंची मंडपात एन्ट्री झाली.
रॉयल ब्लू रंगाचा कुर्ता आणि गोल्डन रंगाचं धोतर असा लुक सिद्धार्थने केला होता. या पोशाखात सिद्धार्थ रुबाबदार दिसत होता. सप्तपदीसाठी मिताली आणि सिद्धार्थने असा लुक केला होता. विधी झाल्यावर अक्षतांसाठी दोघेही वेगळ्याच लूकमध्ये होते.
सिद्धार्थ मितालीच्या लग्नसोहळ्यासाठी मराठी चित्रपटसृष्टीतील कलाकार मंडळीही उपस्थित होते. शाही लग्न सोहळ्याला अभिज्ञा भावे, इशा केसकर, उमेश कामत, पूजा सामंत, भूषण प्रधान या चित्रपट आणि मालिका क्षेत्रातील कलाकारांनी हजेरी लावली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.