लॉस एंजेलिस येथे 80 व्या गोल्डन ग्लोब पुरस्कार सोहळ्यात 'RRR' ने इतिहास रचला आहे. चित्रपटातील 'नाटू-नाटू' या गाण्याला सर्वोत्कृष्ट ओरिजिनल गाण्याचा पुरस्कार मिळाला आहे. त्यामुळे आंतरराष्ट्रीय व्यासपीठावर चित्रपटाच्या या कामगिरीचा संपूर्ण देशाला अभिमान आहे. ही बातमी कळताच सर्व भारतीयांचा आनंद गगणाला भिडला आहे.

बॉलिवूडबाबत साऊथ इंडस्ट्रीत जल्लोषाचे वातावरण असून सर्व सेलिब्रिटींनीही चित्रपटाच्या संपूर्ण टीमचे अभिनंदन करत आहेत. 'आरआरआर'च्या या यशाबद्दल देशाचे पंतप्रधान मोदींनीही आनंद व्यक्त केला असून टीमचं अभिनंदनही केले आहे.

हेही वाचा - या महामार्गामुळं खरंच येईल 'समृद्धी'?

पीएम मोदींनी ट्विटमध्ये लिहिले, “एक अतिशय खास कामगिरी! @mmkeeravaani, प्रेम रक्षित, काल भैरव, चंद्रबोस @Rahulsipligunj. मी @ssrajamouli, @taarak 9999, @AlwaysRamCharan आणि @RRRMovie च्या संपूर्ण टीमचे अभिनंदन करतो. या प्रतिष्ठित सन्मानाचा प्रत्येक भारतीयाला अभिमान वाटला आहे.

'नाटू नाटू' हे गाणे एम.एम. किरवणी यांनी संगीतबद्ध केले आहे. याचे गीत चंद्रबोस (Chandrabose) यांनी लिहिले असून राहुल सिपलीगुंज(Rahul Sipligunj) आणि Kaala Bhairava यांनी आवाज दिला आहे. हे गाणे हिंदीतही नाचो नाचो या शीर्षकाने रिलीज झाले आहे.