Rubina Dilaik, Abhinav Shukla share first photo of twin girls:टीव्ही अभिनेत्री रुबीना दिलैक ही गेल्या काही दिवसांपासून चर्चेत होती. रुबीना आई झाली असून तिने दोन गोंडस मुलींना जन्म दिल्याच्या बातम्या समोर आल्या होत्या. रुबीनाच्या जिम ट्रेनरनं पोस्ट शेयर करत तिने दोन मुलींना जन्म दिला असल्याची बातमी शेयर केली होती मात्र काही काळातच त्याने ही पोस्ट डिलिट केली.

तर दुसरीकडे रुबीनाने या बातमीला दुजोरा दिला नव्हता. रूबीना आणि अभिनवने याबाबत चाहत्यांना काहीही सांगितले नव्हते मात्र आता दोघांनी सोशल मिडियावर ही एक खास पोस्ट शेयर करत चाहत्यांसोबत एक गोड बातमी शेयर केली आहे.

आता रुबिनाने तिच्या मुली एक महिन्याच्या झाल्यावर आपल्या मुलींसोबतचे फोटो सोशल मीडियावर शेअर केले आहेत.

रुबिनाने सोशल मिडियावर पाच फोटो शेअर केले आहेत. पहिल्या फोटोत रुबिना पती अभिनव शुक्लासोबत उभी दिसत आहे. या फोटोत दोघांनी स्काय ब्लू रंगाचा आउटफिट घातला आहे. दोघींनी लहान मुलींना हातात पकडलेले आहे.

तर दुसऱ्या फोटोत त्यांनी बाळाचा हात हातात धरलेला दिसत आहे. तर एका फोटोत रुबिना हवन पूजा करताना दिसत आहे.

याशिवाय, एका ग्राफिक इमेजमध्ये त्यांनी लहान मुलींची नावे चाहत्यांना सांगितली आहे. त्यांनी एका मुलीचे नाव 'इधा' आणि दुसऱ्याचे 'जिवा' ठेवले आहे.

आपल्या मुलींचे फोटो पोस्ट करताना, रुबिनाने एक कॅप्शन देखील लिहिले, ज्यामध्ये तिने सांगितले की गुरुपर्वाच्या दिवशी तिच्या घरी मुलींचा जन्म झाला. ती लिहिते, "आमच्या मुली, जिवा आणि इधा आज एक महिन्याच्या झाल्या आहेत हे सांगताना खूप आनंद होत आहे. गुरुपर्वाच्या शुभदिनी देवाने आशीर्वाद दिला! आमच्या परींसाठी तुम्ही आशिर्वाद द्या."

रुबिना बद्दल बोलायचं झालं तर तिला 'छोटी बहू', 'शक्ती' या मालिकांमधुन प्रसिद्धी मिळाली. ती बिगबॉसची विजेती आहे. ती 'खतरों के खिलाडी' शोमध्येही दिसली आहे. रुबिना आणि अभिनव शुक्ला यांच्या लग्नाला आता पाच वर्षे झाली आहेत.