Rubina Dilaik tv entertainment actress news: बिग बॉसची विजेती रुबीना दिलेक आता झलक दिखला जा मधून प्रेक्षकांचे लक्ष वेधून घेताना दिसत आहे. या रियॅलिटी शोमधून रुबीनानं मोठी लोकप्रियता मिळवली आहे. गेल्या काही दिवसांपासून यंदाच्या सीझनमध्ये कोण विजेता होणार अशी चर्चा रंगली असताना रुबीना एका वेगळ्याच कारणामुळे ट्रोल होताना दिसत आहे.

झलक दिखला जा मध्ये रुबीनाची मोठी हवा आहे. ती एका प्रेग्नंसी क्लिनिक बाहेर दिसून आली. त्याचे फोटोही सोशल मीडियावर व्हायरल झाले होते. त्यामुळे रुबीनाची गोड बातमी आहे की काय अशी चर्चा सगळीकडे होऊ लागली. अशातच ती ट्रोल देखील होऊ लागली. यामुळे की काय रुबीनाला तिची बाजू मांडावी लागली. त्यात तिनं तिला ट्रोल करणाऱ्यांवर सडकून टीका केली आहे. यावेळी रुबीना सोबत तिचा पती अभिनव शुक्ला देखील होता. त्या फोटोमुळे वेगळ्याच चर्चेला उधाण आले होते.

टीव्ही मनोरंजन विश्वामध्ये रुबीनाचा मोठा चाहतावर्ग आहे. सोशल मीडियावर तिला फॉलो करणाऱ्यांची संख्याही मोठी आहे. गेल्या काही दिवसांपासून झलक दिखला जा रियॅलिटी शोमधून रुबीना नेटकऱ्यांचे लक्ष वेधून घेत आहे. तिच्या वेगवेगळ्या परफॉर्मन्सला चाहत्यांची मोठी दाद मिळताना दिसते. रूबीनानं दिलेल्या प्रतिक्रियेमध्ये ज्यांनी ट्रोल केले आहे त्यांना खडसावत आपल्या वैयक्तिक आय़ुष्यामध्ये लोकांना लक्ष घालण्याची काय गरज आहे असा प्रश्न केला आहे.

चुकीच्या माहितीच्या आधारे चुकीची वक्तव्य करणं हे आता काही माझ्यासाठी नवीन नाही. लोकांनी विचार करुन बोलण्याची गरज आहे. मी प्रेग्नंट आहे की नाही याची काळजी लोकांनी करु नये. मी माझी काळजी घेण्यासाठी सक्षम आहे. अशी प्रतिक्रिया रुबीनानं दिली आहे.