Sayali Sanjeev Wishes on Ruturaj Gaikwad Wedding News: ऋतुराज गायकवाडचं काल लग्न झालं.

आयपीएल 2023 च्या मोसमात चेन्नई सुपर किंग्जला चॅम्पियन बनवण्यासाठी महत्त्वाची भूमिका बजावणारा ऋतुराज गायकवाड लग्नगाठीत अडकला आहे.

काल ३ जूनला रात्री उशिरा ऋतुराजचे लग्नाचे फोटो व्हायरल झाले. ऋतुराज आणि उत्कर्षा पवार यांचा महाबळेश्वरमध्ये विवाह पार पडला.

गेली अनेक वर्ष ऋतुराज अभिनेत्री सायली संजीव सोबत रिलेशनशीप मध्ये असल्याचं बोललं जात होतं. आता सायलीने ऋतुराजला लग्नाच्या मोजक्या शब्दात शुभेच्छा दिल्यात.

(ruturaj gaikwad wedding sayali sanjeev wishes him )

सायलीने तिच्या इंस्टाग्राम स्टोरीवर ऋतुराज आणि उत्कर्षा यांच्या लग्नाचा एक फोटो पोस्ट केलाय.

आणि शुभेच्छा देताना लिहिलंय... तुमच्यासाठी मी खूप आनंदी आहे. मनापासून अभिनंदन अशी पोस्ट करत सायलीने ऋतुराज आणि उत्कर्षाला शुभेच्छा दिल्यात.

एकंदर गेली अनेक वर्ष सायली आणि ऋतुराज रिलेशनशिपमध्ये असल्याचं बोललं जात होतं. पण आता ऋतुराजचं लग्न झाल्याने या चर्चांना पूर्णविराम मिळालाय.

जेव्हा ऋतुराजने पहिल्यांदा चेन्नई सुपर किंगच्या IPL विजयानंतर होणारी बायको म्हणजेच उत्कर्षा सोबतचा फोटो पोस्ट केला होता तेव्हा तो फोटो चर्चेत आला होता. त्याचं कारण म्हणजे ऋतुराजच्या या फोटोवर सायली संजीवने केलेल्या प्रतिक्रियेमुळे.

सायलीने ऋतुराजला आणि त्याची होणारी पत्नी उत्कर्षाला खुप शुभेच्छा दिल्या होत्या. 'तुम्हा दोघांना मनापासून शुभेच्छा', अशी कमेंट सायली संजीवने या पोस्टला केली. या कमेंट तिने या दोघांना टॅग केलं आहे.

याआधी ऋतुराज आणि सायली संजीव यांच्या लिंक अपच्या बातम्याही समोर आल्या होत्या. मे २०२१ मध्ये सायली संजीवसोबतच्या इन्स्टाग्राम चॅटमुळे दोघांचं अफेयर असल्याच्या अफवा पसरल्या होत्या.

त्यामुळे दोघांच्या अफेयरमुळे खुप चर्चाही झाली होती, मात्र नंचर सायलीने या आम्ही केवळ चांगले मित्र आहोत असं म्हणत या बातमीचे खंडण केले होते.

आता ऋतुराजने उत्कर्षा पवार सोबत लग्न केल्याने सायली आणि त्याच्यात फक्त मैत्री होती, त्यापलीकडे काही नाही यावर शिक्कामोर्तब झालाय.