Chrisann Pereira Arrested News: 'सडक 2' आणि 'बाटला हाऊस' यांसारख्या बॉलिवूड चित्रपटांमध्ये दिसलेली अभिनेत्री क्रिसन परेरा कायदेशीर अडचणीत सापडली आहे.

एका न्यूज पोर्टलनुसार, अभिनेत्रीला संयुक्त अरब अमिरातीतील शारजाह सेंट्रल जेलमध्ये बंद करण्यात आले आहे. सुमारे दोन आठवड्यांपूर्वी तिला ड्रग्जच्या आरोपाखाली अटक करण्यात आली होती.

या प्रकरणात क्रिसन पीडित असल्याचे तिच्या कुटुंबीयांनी सांगितले आहे. ती शारजाह विमानतळावर आल्यापासून तिचे कुटुंबीय तिच्याशी संपर्क साधू शकले नाहीत आणि भारतीय दूतावासाने 72 तासांनंतरच तिला अटक झाल्याचे सांगितले.

('Sadak 2' fame actress Chrisann Pereira arrested in Sharjah UAE on charges of drug trafficking)

रिपोर्टनुसार, कुटुंबीयांचे म्हणणे आहे की, रवी नावाच्या व्यक्तीने क्रिसनला फसवले आहे. कुटुंबाचा आरोप आहे की,

रवी या व्यक्तीने यापूर्वी कृष्णाची आई प्रेमिला परेरा यांना तिच्या मुलीची "त्याच्या टॅलेंट टीमशी" ओळख करून देण्यासाठी मॅसेज पाठवला होता आणि आगामी इंटरनॅशनल वेब सीरिजसाठी क्रिसनला भेटण्यासाठी उपलब्ध आहे का असे विचारले होते.

काही मिटींगनंतर, दुबईमध्ये क्रिसनची ऑडिशनसाठी निवड करण्यात आली आणि त्या माणसाने तिची सर्व व्यवस्था सांभाळली.

क्रिसनची आई प्रेमिला यांच्या म्हणण्यानुसार, 1 एप्रिल रोजी, क्रिशन फ्लाइटमध्ये जाण्यापूर्वी, आरोपीने तिला मुंबई आंतरराष्ट्रीय विमानतळापासून 10 मिनिटांच्या अंतरावर असलेल्या कॉफी शॉपमध्ये भेटण्यासाठी बोलावले होते. क्रिसनच्या कुटुंबाने असा दावा केला की,

"त्यांनी तिला एक ट्रॉफी दिली, बहुधा ही ट्रॉफी ऑडिशनच्या स्क्रिप्टचा भाग होती आणि ऑडिशनसाठी आवश्यक असेल असा उल्लेख केला.

त्यानंतर क्रिसनने ट्रॉफी सोबत घेतली. शारजाह विमानतळावर आल्यावर क्रिसनला ताब्यात घेण्यात आले.

ते पुढे म्हणाला की 10 एप्रिल रोजी आम्हाला भारतीय दूतावासाने कळवले की क्रिसनच्या ट्रॉफीमध्ये ड्रग्ज सापडल्याचा आरोप आहे. "

क्रिसनला सोडवण्यासाठी त्यांच्या कुटुंबाने एका वकिलाची नेमणूक केली आहे. याशिवाय अंदाजे या सर्व प्रक्रियेला २० - ३० लाख रुपये असून कुटुंब घर विकायच्या तयारीत आहेत.

गेली १३ दिवस क्रिसन पोलिसांच्या ताब्यात असून याप्रकरणी मुंबई पोलीस कोणतीही मदत न करता हात वर करत आहेत असाही दावा क्रिसनच्या कुटुंबीयांनी केलाय