बॉलीवूडचा नवाब सैफ अली खाननं जेव्हा अभिनेत्री करिनाशी लग्न केलं तेव्हा ते लग्न आणि ते दोघेही चर्चेत आले होते. त्यांना पहिलं अपत्य झालं त्याचं नाव त्यांनी तैमुर असं ठेवलं तेव्हाही त्यांच्यावर जोरदार टीका झाली होती. आणि आताही ते चर्चेत आले आहे. त्यांना काही महिन्यांपूर्वी मुलगा झाला. त्याचं टोपण नाव त्यांनी जेह असं ठेवलं. मात्र आता त्याचं खरं नाव काय, हे आता ते जाहीर करणार असून माध्यमांच्या हाती ते नावं आलं आहे. तैमुर प्रमाणेच त्यांनी आपल्या दुसऱ्या मुलाचं नाव देखील एका मुघल बादशाहाच्या नावावरुनच ठेवलं आहे. ज्यावरुन पुन्हा नव्यानं वादाला तोंड फुटण्याची शक्यता निर्माण झाली आहे.

करिना आणि सैफनं त्यांच्या दुसऱ्या मुलाचं नाव हे जहांगीर असं ठेवलं आहे. अशी माहिती सुत्रांनी दिली आहे. दुसरीकडे करिनाच्या घरातील एका सदस्यानं ही माहिती दिल्याचेही सांगण्यात आले आहे. सैफ आणि करिना एका कार्यक्रमाच्या माध्यमातून त्यांच्या दुसऱ्या मुलाच्या नावाची घोषणा करणार असल्याचे कळते आहे. त्या दोघांनाही आपल्या दुसऱ्या मुलाचे नाव जहांगीर ठेवण्याबाबत काहीच आक्षेप नसल्याचे त्यांनी सांगितले आहे.

तैमुरचं टोपण नाव हे टिमटिम असे आहे. तर छोट्या भावाचे नाव जेह असं आहे. आणि ऑफिशियली ते जहांगीर असे ठेवण्यात येणार आहे. वास्तविक या नावांचा कोणत्याही धर्माशी संबंध नसल्याचे सांगण्यात आले आहे. तैमुरचं जेव्हा नाव ठेवण्यात आलं तेव्हा त्यावरुन मोठा वाद झाला होता. तो वाद अनेक दिवस माध्यमांमध्ये रंगला होता. सैफच्या परिवारातील सदस्यांनी सांगितलं की, तो ज्या धर्माचं प्रतिनिधित्व करतो त्यावरुन त्याला हवं ते नाव ठेवण्याचा अधिकार असल्याचं सांगण्यात आलं आहे.

मुघल बादशाह अकबर यांचा मुलगा सलीम यांचे नाव जहांगीर असे होते. हा एक पारसी शब्द आहे. ज्याचा अर्थ जगावर राज्य करणारा असा आहे. जहांगीर यांचे खरे नाव नूर -उद-दीन- मोहम्मद सलीम असे होते.