Ayushmann Khurrana: अभिनेता आयुष्मान खुराना (Ayushmann Khurrana) हा त्याच्या अभिनयानं नेहमीच त्याच्या अभिनयानं प्रेक्षकांची मनं जिंकतो. आयुष्माननं अनेक हिट चित्रपटांमध्ये काम केलंय. तसेच त्याला अनेक पुरस्कारांनी देखील गौरवण्यात आलं. नुकत्याच पार पडलेल्या सकाळ सन्मान पुरस्कार (Sakal Sanman Puraskar) सोहळ्यात आयुष्मानला 'स्टार ऑफ द डेकेड' (Star of the Decade Award) या पुरस्कारानं गौरवण्यात आलं आहे. हा पुरस्कार मिळाल्यानंतर आयुष्माननं सोशल मीडियावर पोस्ट शेअर करुन सकाळ मीडियाचे आभार मानले आहेत.

आयुष्माननं शेअर केला फोटो

आयुष्यमाननं इन्स्टाग्रामवर नुकताच एक फोटो शेअर केला आहे. या फोटोमध्ये आयुष्यमानच्या हातात ट्रॉफी दिसत आहे. या फोटोला आयुष्माननं कॅप्शन दिलं, "सकाळ मीडिया मी आभारी आहे!'स्टार ऑफ द डेकेड' पुरस्कार मिळाला" आयुष्माननं शेअर केलेल्या फोटोवर नेटकऱ्यांनी लाइक्स आणि कमेंट्सचा वर्षाव केला आहे.

आयुष्मानचे चित्रपट

आयुष्माननं 2012 मध्ये रिलीज झालेल्या विकी डोनर या चित्रपटामधून बॉलिवूडमध्ये पदार्पण केलं. त्यानंतर आयुष्माननं बरेली की बर्फी, शुभ मंगल सावधान, बधाई हो या चित्रपटांमध्ये काम केलं. 2018 मध्ये रिलीज झालेल्या त्याच्या अंधाधुन या चित्रपटाला प्रेक्षकांची विशेष पसंती मिळाली. या चित्रपटातील आयुष्मानच्या अभिनयाचं अनेकांनी कौतुक केलं. तसेच या चित्रपटामुळे आयुष्मानला विशेष लोकप्रियता मिळाली. गेल्या वर्षी आयुष्मानचा ड्रीम गर्ल-2 हा चित्रपट रिलीज झाला. या चित्रपटाला देखील प्रेक्षकांची पसंती मिळाली.