35YearsOfSalmanKhanReign: बॉलिवूडचा दबंग म्हणजेच सलमान खान. त्याची काही वेगळी ओळख सांगायची गरज नाही. त्याचे जगभरात लाखो चाहते आहेत. त्याचे चाहते त्याला भाईजान म्हणतात.

सलमानने त्याच्या अभिनयाने असो किंवा त्याच्या कामाने बॉलिवूडवर वर्षानुवर्षे राज्य केले आहे. सलमानने आता इंडस्ट्रीत 35 वर्षे पूर्ण केली आहेत.

त्याने या 35 वर्षात अनेक चित्रपटात काम केले आहे. त्याच्या अनेक भुमिकाही प्रेक्षकांच्या मनात घर करुन बसल्या आहेत.

सलमानच्या चाहत्यांनी त्याच्यावर प्रेमाचा वर्षाव करत त्याला शुभेच्छाही दिल्या आहेत. यासोबतच हा सलमानने देखील हा क्षण चाहत्यांसोबत साजरा केला आहे.

त्याने त्याच्या इंस्टाग्रामवर एक रील पोस्ट केली आहे. यात त्याने त्याच्या काही सुपरहिट चित्रपटांचे सीन शेयर केले आहेत. कालपासूनच सलमानसाठी चाहत्यांनी X वर #35YearsOfSalmanKhanReign हा ट्रेंड सुरू केला होता.

सलमानबरोबरच त्याच्या प्रोडक्शन हाऊस सलमान खान फिल्म्सने देखील या प्रसंगी त्याच्या चित्रपटांमधील एक कॅरोसल व्हिडिओ सोशल मीडियावर शेयर केला. आता हा व्हिडिओ सोशल मीडियारवर व्हायरल झाला आहे.

या व्हिडिओत सलमानच्या मैने प्यार किया, हम दिल दे चुके सनम, वॉन्टेड, टायगर जिंदा है, रेस 3, बॉडीगार्ड, दबंग, सुलतान, भारत यासारख्या सुपरहिट चित्रपटांमधील काही संवाद आणि सीन्स आहेत.. रील शेअर करताना सलमानने लिहिले की, ' 35 वर्षे हे 35 दिवसांरखे गेले.तुमच्या प्रेमाबद्दल धन्यवाद.'

ऑगस्ट 1988 मध्ये सलमान खान याने बीवी हो तो ऐसी या चित्रपटातून सहाय्यक भूमिकेतून बॉलिवूडमध्ये पदार्पण केले. तेव्हापासून सलमान त्याच्या चाहत्यांचे मनोरंजन करत आहे. सलमान खानची पहिली कमाई 100 रुपयांपेक्षा कमी होती. त्यानंतर सलमानच्या करियरमध्ये अनेक चढउतार आले. त्याने अनेक सिनेमात भुमिका केल्या. बऱ्याचदा तो वादातही अडकला आहे.

सलमान शेवटचा 'किसी का भाई किसी की जान' या चित्रपटात दिसला होता. तर टायगर 3 या चित्रपटाची चाहते वाट पाहत आहेत. हा चित्रपट यावर्षी रिलिज होईल. शाहरुख खान टायगर 3 मध्ये कॅमिओ करेल तर कतरिना कैफ आणि इमरान हाश्मी अॅक्शन मोडमध्ये दिसणार आहेत.