टोकियो ऑलिम्पिक स्पर्धेत वेटलिफ्टर मीराबाई चानू (mirabai chanu) हिने रौप्यपदक पटकावलं. 49 किलो वजनी गटात तिने ही कामगिरी केली. सोशल मीडियावर अनेकांनी मीराबाईला शुभेच्छा देत पोस्ट शेअर केल्या आहे. नुकतीच मीराबाईने अभिनेता सलमान खानची (salman khan) भेट घेतली. सलमानने मीराबाईच्या भेटीचा फोटो सोशल मीडियावर शेअर केला आहे. या फोटोला सलमानने कॅप्शन दिले, 'मीराबाई चानू सिल्वर मेडलिस्ट, तुमच्यासाठी मी खूप खूश आहे. माझ्या शुभेच्छा नेहमी तुमच्यासोबत असतील.' सलमानने शेअर केलेला फोटो रिपोस्ट करत मीराबाईने लिहिले, 'सलमान सर तुमचे आभार, मी तुमची चाहती आहे. माझं तुम्हाला भेटण्याचं स्वप्न आज पूर्ण झालं.' या फोटोमधील सलमानच्या स्कार्फवरील हरणाच्या प्रिंटने नेटकऱ्यांचे लक्ष वेधले.
सलमानने शेअर केलेल्या मीराबाईंसोबतच्या फोटोमधील स्कार्फमुळे अनेकजण त्यांला ट्रोल करत आहेत. एका नेटकऱ्याने कमेंट केली, ' भाईच्या स्कार्फवर हरिण'. दुसऱ्याने लिहीले, 'हिरण डेव्हिल के पिछे और डेव्हिल हिरण के पिछे…टू मच फन'
मीराबाईने ऑलिम्पिक स्पर्धेत भारतासाठी रौप्य पदक जिंकल्यानंतर सलमानने तिचं अभिनंदन करत एक ट्विट केले होते. या ट्विटमध्ये सलमानने लिहिले होते, 'देशाची सुपरस्टार बनल्याबद्दल मीराबाई चानूचं खूप खूप अभिनंदन. आम्हाला तुझ्यावर अभिमान आहे. खऱ्या अर्थाने तू दबंग आहेस.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.