अभिनेता सलमान खानला बुधवारी दुपारी मुंबईतील लिलावती रुग्णालयात पाहिलं गेलं. यावेळी पापाराझींनी त्याला पाहिलं आणि त्याचे फोटो, व्हिडीओ सोशल मीडियावर पोस्ट केले. सलमान रुग्णालयात का गेला, असा प्रश्न नेटकऱ्यांना पडला असून अनेकांनी त्याच्या प्रकृतीविषयी चिंता व्यक्त केली. सलमानला नेमकं काय झालंय, असा प्रश्न अनेकांनी सोशल मीडियावर विचारला. पण तो नेमकं कोणत्या कारणासाठी रुग्णालयात गेला, हे अद्याप समजू शकलेलं नाही. 

सलमानने काही दिवसांपूर्वीच 'बिग बॉस'चं शूटिंग पूर्ण केलं. त्यानंतर त्याच्या 'राधे' या चित्रपटाच्या शूटिंगला सुरुवात झाली. सलमान कोरोना प्रतिबंधक लशीसाठी रुग्णालयात गेला की काय, असाही अंदाज नेटकऱ्यांनी वर्तवला आहे. त्यामुळे नेमकं काय कारण आहे, हे सलमानकडून स्पष्ट होईल. 

हेही वाचा : "त्याने मला हॉटेलच्या रुममध्ये बोलावलं आणि.."; अंकिताने सांगितला कास्टिंग काऊचचा धक्कादायक अनुभव

आमिर खानला कोरोना
अभिनेता आमिर खानला कोरोनाची लागण झाली असून तो सध्या घरीच क्वारंटाइनमध्ये आहे. गेल्या काही दिवसांत त्याच्या संपर्कात आलेल्यांना खबरदारीचा उपाय म्हणून कोरोनाची चाचणी करून घेण्याचं आवाहन त्याच्या प्रवक्त्यांनी केलं. आमिरने दोन दिवसांपूर्वीच एका कार्यक्रमात हजेरी लावली होती. या कार्यक्रमाला मुख्यमंत्री उद्धव ठाकरेसुद्धा उपस्थित होते.