अक्षय कुमार(Akshay Kumar) हा एका मध्यमवर्गीय कुटुंबातून आलेला मुलगा जो आज बॉलीवूडचा सुपरस्टार म्हणून ओळखला जातो. मुंबईचे रस्ते,बसेस,ट्रेन सारं काही एकेकाळी त्यानं प्रत्यक्षात अनुभवलंय पण आज सुपरस्टार झाल्यावरही त्या सा-या आठवणी तो उराशी बाळगून आहे. हात आकाशाला टेकले असतील त्याचे ,पण पाय मात्र जमिनीवर खिळून आहेत याचं उत्तम उदाहरण आहे तो. आता चोरी त्यानं आयुष्यात केलीय का? तर हो,चोरी त्यानं केलीय ती सुद्धा दाक्षिणात्य अभिनेत्री समंथाच्या घरात. समंथाचं काय कनेक्शन? हो,बरोबर आहे तुमचं. चला जाणून घेऊया.

अक्षय कुमारने ट्वीटर अकाऊंटवर ही जाहिरात शेअर केलीय. या जाहिरातीत अक्षय एक चोर आहे,जो समंथाच्या घरात चोरी करण्यासाठी घुसतो. पण कुरकुरे पाहिल्यावर तो चोरी करायचे विसरतो. पण समंथा कुरकुरेमुळे अक्षयला पोलिसांना पकडून देण्यात यशस्वी होते. अशी ती एकंदरीत जाहिरात आहे. ही जाहिरात पाहिल्यावर राहून राहून वाटतंय समंथाचा पहिला बॉलीवूड सिनेमा नक्कीच अक्षय कुमारसोबत असणार. आता एखादी दाक्षिणात्य अभिनेत्री बॉलीवूडमध्ये येणं काही नवीन नाही. पण समंथासारखी अभिनय,नृत्य आणि स्टंट करण्यातही तितकीच परफेक्ट असलेली अभिनेत्री बॉलीवूडच्या अभिनेत्रींसाठी नक्कीच चॅलेंज ठरू शकते.