Nagarjuna asks Vijay Deverakonda about former daughter-in-law Samantha: साऊथ इंडस्ट्रीतील आघाडीची अभिनेत्री सामंथा रुथ प्रभू आणि विजय देवरकोंडा हे सध्या 'कुशी' या चित्रपटामुळे चर्चेत आहे. त्याचा हा सिनेमा हा 1 सप्टेंबर रोजी थिएटरमध्ये प्रदर्शित झाला आहे. दोघांची जोडी बऱ्याच दिवसांनी मोठ्या पडद्यावर दिसली. प्रेक्षकांनाही ही जोडी खुप आवडली. या चित्रपटाने पहिल्याच दिवशी15.25 रुपयांचं कलेक्शन करत बंपर ओपनिंग केली.

सामंथा रुथ प्रभू आणि विजय दोघेही या चित्रपटाच्या प्रमोशनमध्ये व्यस्त आहेत. सामंथा ही सध्या ब्रेकवर असली तरी ती चित्रपटाच्या प्रमोशनमध्ये उपस्थीत होती. तर काही कार्यक्रमात विजय एकटाच दिसला. आता अलीकडेच विजय देवरकोंडाने बिग बॉस तेलुगुच्या सीझन 7 च्या भव्य प्रीमियरला हजेरी लावली. मात्र फक्त विजयला पाहताच शोचे होस्ट अभिनेता नागार्जुन यांनी विजयला सामंथाबद्दल विचरपुस केली.

याचा एक व्हिडिओ ट्विटरवर व्हायरल होत आहे. ज्यात विजय शोमध्ये येताच नागार्जुन त्याला समंथा कुठंय असं विचारतो. यावर विजय हसतो आणि त्याला उत्तर देतो. तो म्हणतो की, सामंथा आता अमेरिकेत आहे तिने तिच्या तब्येतीवर लक्ष केंद्रित केले आहे. त्याचबरोबर सामंथा लवकरच आपल्याला जॉईन करेल असंही सांगितलं.

यावेळी विजयने नागार्जुनसमोर सामंथाचं खुप कौतुक केलं. तो तिचा खुप मोठा चाहता आहे. त्याने सामंथाचे सर्व चित्रपट पाहिले असल्याचं सांगितले.

सामंथाने नागा चैतन्यशी 6 ऑक्टोबर 2017 रोजी लग्न केले होते. ती नागार्जुनची सून होती. सामंथा आणि नागा चैतन्याने एकमेकांना डेट केल्यानंतर लग्न केले मात्र त्याचे नाते फार काळ टिकू शकले नाही. 2021 मध्ये या जोडप्याचा घटस्फोट झाला.