बॉलिवूडची लोकप्रिय अभिनेत्री आलिया भट ही नेहमी चर्चेत असते. तसेच ती सोशल मीडियावर चांगलीच सक्रिय असते. आलियाचे मोठा चाहता वर्ग आहे. तर गेल्या काही दिवसांपासून अनेक कलाकारांसारखे हुबेहुब दिसणारे चेहरे सध्या सोशल मीडियावर व्हायरल होत आहेत. तर नुकताच अभिनेत्री कियारा अडवानीने तिच्या सारख्या दिसणाऱ्या मुलीचा व्हिडीओ पोस्ट केला होता. तर सध्या आलिया सारख्या दिसणाऱ्या मुलीचा फोटो आणि व्हिडीओ व्हायरल होत आहे.

आलिया सारख्या दिसणाऱ्या त्या मुलीचे नाव सेलेस्टी बैरागे अस आहे. ती आसमची असून ती एक इंस्टाग्राम इन्फ्युएन्सर आहे. तिचे जवळपास ३५.४ हजार फॉलवर आहेत. तिच्या फोटोवर नेटकऱ्यांनी कमेंट केल्या आहेत. "सेम आलियासारखी स्माईल" एकाने "आलिया भट्ट आणि ही जवळपास सारख्याच दिसतात," तर दुसऱ्याने "आलिया भट्ट ही तू आहेस?" अश्या कमेंट केल्या आहेत.

आता लवकरच आलिया रणबीर कपूरसोबत डिसेंबरमध्ये लग्न करणार असल्याची चर्चा होत आहे. लग्नाच्या अफवांवर प्रतिक्रिया देताना आलियाची आई सोनी राजदान यांनी बॉलीवूडलाइफला दिलेल्या मुलाखतीत सांगितले होतं, “बरं, या गोष्टीला अजून खूप वेळ आहे. हे भविष्यात कधीतरी घडू शकत. आता, ते कधी होईल, मला माहित नाही. कदाचित, त्यासाठी तुम्हाला आलियाच्या एजंटला कॉल करावा लागेल,पण हे कदाचित तिच्या एजंटलाही माहित नसेल.” आलियाकडे ब्रह्मास्त्र, रॉकी और रानी की प्रेम कहानी, गंगूबाई काठियावाडी, डार्लिंग्स, आरआरआर आणि जी ले जरा यासह अनेक प्रोजेक्टस आहेत.