Sangeet Natak Academy Awards 2024: संगीत नाटक अकादमी पुरस्कारांच्या (Sangeet Natak Academy Awards 2024) विजेत्यांची घोषणा करण्यात आली आहे. संगीत नाटक अकादमी पुरस्कारांसाठी संगीत, नृत्य, रंगभूमी, पारंपारिक संगीत/नृत्य/नाट्य अशा विविध क्षेत्रातील 92 कलाकारांची निवड करण्यात आली आहे. संगीत नाटक अकादमी पुरस्कारांच्या विजेत्यांच्या यादीत मराठी चित्रपटसृष्टीतील प्रसिद्ध अभिनेते अशोक सराफ (Ashok Saraf) आणि अभिनेत्री ऋतुजा बागवे (Rutuja Bagwe) यांचा समावेश आहे.
काही दिवसांपूर्वी अशोक सराफ यांना महाराष्ट्र भूषण पुरस्कारानं गौरवण्यात आलं. आता अशोक सराफ यांना संगीत नाटक अकादमी पुरस्कार जाहीर करण्यात आलं आहे. तसेच ऋतुजा बागवेला देखील संगीत नाटक अकादमी पुरस्कार जाहीर करण्यात आला आहे. ऋतुजानं संगीत नाटक अकादमी पुरस्कार जाहीर झाल्यानंतर एक खास पोस्ट सोशल मीडियावर शेअर केली आहे.
संगीत नाटक अकादमी फेलोशिप आणि पुरस्कार भारताच्या माननीय राष्ट्रपतींच्या हस्ते एका विशेष समारंभात प्रदान केले जातील. अकादमी पुरस्कार 1952 पासून प्रदान केले जात आहेत.
आयत्या घरात घरोबा,नवरी मिळे नवऱ्याला,माझा पती करोडपती आणि अशी ही बनवाबनवी या अशोक सराफ यांच्या चित्रपटांना प्रेक्षकांची विशेष पसंती मिळाली. तसेच मराठीसोबत हिंदी चित्रपटसृष्टीत देखील अशोक सराफ यांनी विशेष स्थान निर्माण केलं.करण अर्जुन,सिंघम या चित्रपटांमध्ये अशोक सराफ यांनी काम केलं आहे.
एका लग्नाची तिसरी गोष्ट, नांदा सौख्य भरे आणि चंद्र आहे साक्षीला या मालिकांमध्ये ऋतुजानं काम केलं. तसेच तिच्या अनन्या या नाटकातील अभिनयाचं अनेकांनी कौतुक केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.