मुंबई: 'दंगल' (Dangal) चित्रपटातून बॉलिवूडमध्ये पदार्पण करणाऱ्या अभिनेत्री सान्या मल्होत्राने (Sanya Malhotra) जुहूमध्ये नवीन घर विकत (Juhu new flat) घेतलं आहे. जुहू-वर्सोवा लिंक रोडवर बेव्ह्यू इमारतीमध्ये (Bayview building) सान्याचा नवीन फ्लॅट आहे. मनी कंट्रोलने दिलेल्या वृत्तानुसार, बिल्डर समीर भोजवानी यांच्या नावावर हा फ्लॅट होता. १४ ऑक्टोबरल २०२१ रोजी हे अपार्टमेन्ट सान्याच्या नावावर झाले.

याच बेव्ह्यू इमारतीमध्ये अभिनेता हृतिक रोशनचे दोन फ्लॅट आहेत. दंगल गर्ल सान्या मल्होत्राने जुहूमध्ये विकत घेतलेल्या या घराची किंमत ऐकून तुमचे डोळे विस्फारतील. सान्या आणि तिचे वडिल सुनील कुमार मल्होत्रा यांनी या फ्लॅटसाठी ७१.५ लाख रुपये स्टॅम्प ड्युटी भरली. या फ्लॅटची किंमत १४.३ कोटी रुपये आहे. याच इमारतीत मागच्यावर्षी हृतिक रोशनने १०० कोटी रुपये मोजून दोन फ्लॅट विकत घेतले होते. हिंदुस्थान टाइम्सने हे वृत्त दिले आहे.

यापूर्वी सान्याने २०१८ मध्ये मुंबईत आलिशान फ्लॅट विकत घेतला होता. सान्या मूळची दिल्लीची आहे. तिला मुंबई शहर आवडते. मुंबई सुरक्षित शहर असून आपल्याला इथे वेगळ्या स्वातंत्र्याचा अनुभव मिळतो, असे सान्याने एका आघाडीच्या दैनिकाशी बोलताना सांगितले होते. दंगल, बधाई हो, पटाखा, शकुंतला देवी, ल्युडो या चित्रपटांमध्ये तिने काम केले आहे. लवकरच ती करण जोहरच्या मीनाक्षी सुंदरेश्वर चित्रपटामध्ये दिसणार आहे. पाच नोव्हेंबरला हा चित्रपट प्रदर्शित होईल.