हरियाणवी क्वीन म्हणून ओळखली जाणारी अभिनेत्री आणि डान्सर सपना चौधरी(Sapna Choudhary) आज एक मोठं चर्चेतलं नाव आहे असं म्हटलं तर चुकीचं ठरणार नाही. अभिनयासोबतच सपना सोशल मीडियावरही सक्रिय पहायला मिळते. अलिकडे तर तिचे हॉट फोटोज आणि व्हिडीओ रील्सनी तर इंटरनेटचं तापमान चांगलंच तापवलंय. याच दरम्यान सपनाचा एक व्हिडीओ तुफान व्हायरल होताना दिसत आहे. या व्हिडीओत ती आपला नवरा वीर साहू(Veer Sahu) वर चांगलीच भडकलेली दिसत आहे. सपनाचा हा व्हिडीओ सोशल मीडियावर जोरदार व्हायरल होताना दिसत आहे. या व्हिडीओवर तिच्या चाहत्यांच्या प्रतिक्रियांचा धो-धो पाऊस पडताना दिसत आहे. त्या व्हिडीओची लिंक आम्ही बातमीत जोडलेली आहे. नक्की पहा.

हरियाणवी क्वीन सपना चौधरीनं आपल्या इन्स्टाग्राम अकाऊंटवर नुकताच एक व्हिडीओ शेअर केला आहे. या व्हिडीओत सपना आपला नवरा वीर साहूसोबत एकदम देसी अंदाजमध्ये दिसत आहे. व्हिडीओमध्ये आपण पाहू शकाल की सपना ट्रॅक्टरमध्ये बसून गावातील शेतांमध्ये फिरत आहे. पण तेव्हाच अचानक ती तिच्या नवऱ्यावर डाफरताना दिसत आहे. सपना म्हणतेय, ''माझा ड्रायव्हर बकवास आहे,माझा ड्रायव्हर बेकार आहे,माझा ड्रायव्हर बेवकूफ आहे. नीट पुढे बघून गाडी चालव. नाहीतर भाडं नाही देणार. माझ्या मुलाच्या पप्पा जरा बघून चालव''. यानंतर पुढे आपण व्हिडीओत पाहू शकताय की एक मोठी वस्तू ती आपल्या नाजूक हातांनी उचलायचा प्रयत्न करतेय पण तिच्यानं काही ते शक्य होत नाही.

नेहमीप्रमाणेच सपनाच्या या व्हिडीओला देखील तिच्या चाहत्यांनी पसंत केलं आहे. त्यावर प्रेमाचा वर्षाव करताना चाहत्यांनी वेगवेगळ्या प्रतिक्रिया देखील नोंदवल्या आहेत. एकानं म्हटलं आहे,'आपला मोठा भाऊ वीर आणि सपना यांच्याकडून एक गोष्ट नेहमी शिकायला मिळते ती म्हणजे माणसानं किती मोठं झालं तरी संस्कृती आणि जन्मभूमी विसरता कामा नये'. तर दुसऱ्या एका चाहत्यानं लिहिलं आहे,'सपनाजी आम्ही जमिनदार असेच असतो'. तर एकानं भन्नाट कमेंट लिहिली आहे. तो म्हणालाय,'ड्रायव्हर बदल दो'. व्हिडीओ पोस्ट झाल्यापासनं अनेकांनी हटके प्रतिक्रिया नोंदवलेल्या पहायला मिळत आहे.