आर्यन खानच्या ड्रग्ज प्रकरणामध्ये सीबीआयने एनसीबीचे माजी अधिकारी समीर वानखेडे यांच्या अडचणी दिवसेंदिवस वाढताना दिसून येत आहेत. आर्यन खान ड्रग्जप्रकरणी सीबीआयने समीर वानखेडे यांची शनिवारी आणि रविवारी चौकशी केली. शनिवारी अडीच तास तर रविवारी पाच तास चौकशी करण्यात आली. दरम्यान आजच्या चौकशीत मोठी माहिती समोर आली आहे.

समीर वानखेडे यांनी शाहरुख खान सोबत झालेल्या चॅटची वरीष्ठ अधिकाऱ्यांना माहिती दिली नव्हती, असा दावा एसीबीने केला होता. समीर वानखेडे यांनी ही चॅट न्यायालयात दाखल केली. त्यानंतर ती अधिकाऱ्यांना कळाली होती. मात्र यासंबधी माहिती समीर वानखेडे यांनी दिली आहे.

शाहरुख खान सोबत केलेलं चॅट वरिष्ठ अधिकाऱ्यांपासून लपलेले नव्हते. या सांभाषणबद्दल(चॅट) एनसीबीचे डीजी आणि डीडीजी यांना कल्पना होती असं खासगीत बोलताना समीर वानखेडे यांनी सांगितलं आहे.

शाहरुख खान सोबतच्या चॅटची एक प्रत त्यांनी कोर्टात सादर केली होती. तर या चॅटची माहीती वरिष्ठ अधिकाऱ्यांना नसल्याचं सांगितलं जात होतं. परंतु एनसीबीचे डीजी आणि डीडीजी ज्ञानेश्वर सिंह यांना याची माहिती होती असं स्पष्टीकरण समीर वानखेडे यांच्याकडून देण्यात आलं आहे. तर गरज पडल्यास मुंबई उच्च न्यायालयात शपथपत्र दाखल केलं जाईल असंही त्यांनी सांगितलं आहे. याबाबतचे वृत्त 'एबीपी माझा' या वृत्तवाहिनीने दिले आहे.

सीबीआयचे आरोप -

१) सीबीआयने नोंदवलेल्या गुन्ह्यात समीर वानखेडे यांच्याविरोधात गंभीर आरोप करण्यात आले आहे. त्यात के. पी. गोसावी हा वानखेडे यांच्यासाठी शाहरूख खानच्या सचिवाशी डील करत होता.

२) वानखेडेंच्या सांगण्यावरून गोसावीने आर्यन प्रकरणात २५ कोटींची मागणी केली होती. या रकमेच्या बदल्यात आर्यनला ड्रग्ज प्रकरणात अडकवणार नाही, असे आश्वासन देण्यात आले होते.

३) वानखेडे यांनी गोसावीला सौद्याच्या पैशाच्या प्रकरणात संपूर्ण सूट दिली होती. गोसावीने १८ कोटींचा सौदा पक्का केला होता. एवढेच नाही, तर गोसावीने ५० लाख रुपये आगाऊ घेतल्याचा सीबीआयचा आरोप आहे.