Jawan Shah Rukh Khan News: शाहरुख खानच्या जवान सिनेमाची सर्वांना उत्सुकता आहे. पठाण नंतर यावर्षी शाहरुख खानच्या जवानची सर्वांना उत्सुकता आहे. काहीच दिवसांपुर्वी जवानचा ट्रेलर रिलीज झाला आणि सोशल मिडीयावर एकच चर्चा झाली.

आता जवानला सुद्धा सेन्सॉर बोर्डाच्या कात्रीला सामोरं जावं लागत आहे. नुकत्याच आलेल्या बातमीनुसार जवानला सेन्सॉरच्या कात्रीला सामोरं जावं लागलंय.

(shah rukh khan jawan censor board certificate)

शाहरुख खानच्या जवानला मिळालं हे प्रमाणपत्र

शाहरुख जवानला सेन्सॉर बोर्डाकडून UA प्रमाणपत्र मिळाले आहे. याचा अर्थ असा की, सर्व वयोगटातील लोकं हा चित्रपट पाहू शकतात. परंतु 12 वर्षांपेक्षा कमी वयाच्या मुलांनी हा चित्रपट पालकांच्या देखरेखीखाली पाहणे आवश्यक आहे.

याशिवाय जवानच्या 7 सीन्सवर सेन्सॉर बोर्डाने कात्री लावण्याचा निर्णय घेतलाय. याआधी नुकताच रिलीज झालेल्या OMG 2 सिनेमावर सेन्सॉर बोर्डाने तब्बल २७ कट्स सुनावले होते.

जवान सिनेमाचा संपूर्ण रनटाईम

जवानची सिनेमाचा रनटाईम म्हणजेच सिनेमाची वेळ 169.18 मिनिटे आहे. एकुणच अडीच तासांचा हा सिनेमा आहे. जवानच्या सेन्सॉर बोर्ड सर्टिफिकेटची प्रत इंटरनेटवर तुफान व्हायरल होत आहे.

या बदलांमध्ये चित्रपटातील काही संवाद आणि हिंसक दृश्यांचा समावेश आहे जे सुचविते की शाहरुख खान या चित्रपटाद्वारे धमाकेदार पुनरागमन करेल. आत्महत्येच्या दृश्यात बदल सुचवण्यात आले असून चित्रपटाचा रन टाईमही कमी करण्यात आला आहे.

जवानची रिलीज डेट

शाहरुख खानच्या जवान सिनेमाची सर्वांना उत्सुकता आहे. ७ सप्टेंबर रोजी शाहरुखचा जवान थिएटरमध्ये रिलिज होणार आहे.

जवान मध्ये शाहरुख सोबत साऊथ सुपरस्टार विजय सेतूपती, नयनतारा, सान्या मल्होत्रा यांच्या प्रमुख भूमिका आहेत. याशिवाय मराठमोळी अभिनेत्री गिरीजा ओक सुद्धा जवानमध्ये झळकणार आहे.