Zinda Banda Jawan Song: शाहरुख खानच्या जवान सिनेमाची उत्कंठा सध्या शिगेला आहे. शाहरुखच्या जवान मधलं पहिलं गाणं जिंदा - बंदा गाणं आज प्रेक्षकांच्या भेटीला आलंय. शाहरुखचा रॉकींग अंदाज जवान मध्ये पहायला मिळतंय.

शाहरुखचं जिंदा - बंदा गाणं आज शुक्रवारी रिलीज झालंय. जवानमध्ये शाहरुख सळसळत्या एनर्जीने नाचलाय. जवान च्या गाण्यात शाहरुखच्या मागे हजारो मुली दिसत आहेत. यामध्येच मराठमोळी गिरीजा ओक गोडबोले झळकत आहे.

(shah rukh khan jawan zinda banda song girija oak godbole dance with srk)

शाहरुखसोबत नाचली मराठमोळी गिरीजा ओक गोडबोले

शाहरुखचं जिंदा - बंदा गाणं रिलीज झालंय. या गाण्यात शाहरुख विविध गेटअपमध्ये दिसतोय. शाहरुखची डान्स स्टेप, त्याचा डान्स अशा अनेक गोष्टींची चर्चा झालीय. अशातच जिंदा - बंदा गाण्यात मराठमोळी गिरीजा ओक गोडबोले शाहरुखच्या मागे नाचताना दिसतेय.

सर्वांना माहितच आहे की, गिरीजा ओक शाहरुखच्या जवान मध्ये झळकत आहे. जवानच्या प्रीव्ह्यु टीझरमध्ये गिरीजा झळकली होती. आता जवानच्या पहिल्या गाण्यात गिरीजा शाहरुखच्या मागे बिनधास्त नाचलीय.

जिंदा बंदा गाण्याचं वैशिष्ट्य काय?

जवानच्या जिंदा बंदा गाण्यात पहायला मिळतं की सुरुवातीला शाहरुख घोळक्यातुन त्याच्या खास स्टाईलने चालत येतो. त्याने लाल रंगाचं शर्ट आणि जिन्स पॅंट घातली असते.

आणि मग पुढे जिंदा बंदा गाण्याच्या खास स्टेपवर शाहरुख सळसळत्या एनर्जीने नाचताना दिसतो. शाहरुखच्या मागे अनेक डान्सर दिसत आहेत.

शाहरुख विविध गेटअपमध्ये दिसतोय. शाहरुख ज्या सफाईदारपणे नाचलाय त्याला तोड नाही. मध्येमध्ये शाहरुखचा पोलिस लुक सुद्धा पहायला मिळतोय. पण हा लुक संपुर्णपणे उघड झाला नाहीय.

जवानची रिलीज डेट

शाहरुखचा जवान हा चित्रपट हा रेड चिलीज एंटरटेनमेंट प्रेझेंटेशन आहे. ज्याचे दिग्दर्शन अॅटली यांनी केले असून गौरी खाननं निर्मात्या तर गौरव वर्मा सह-निर्मात्याच्या भूमिकेत आहे.

हा चित्रपट 7 सप्टेंबर 2023 रोजी जगभरातील चित्रपटगृहांमध्ये हिंदी, तमिळ आणि तेलगू भाषांमध्ये प्रदर्शित होणार आहे.