Teri Baaton Mein Aisa Uljha Jiya: बॉलिवूड अभिनेत्री क्रिती सेनन आणि शाहिद कपूर सध्या त्यांच्या आगामी सिनेमामुळे चर्चेत आहे. शाहिद कपूर आणि क्रिती सेनन यांची गणना बॉलिवूडमधील आघाडीच्या कलाकारांमध्ये केली जाते. एकीकडे क्रितीला 'मिमी'साठी राष्ट्रीय पुरस्कार मिळाला आहे तर 'कबीर सिंग' सिनेमाने शाहिद कपूरच्या करिअरला गियर अप केले आहे.

सध्या हे दोघे रुपेरी पडद्यावर एकत्र येणार असल्याने यांची जोडी पाहण्यासाठी चाहते उत्सुक आहे. शाहिद कपूर आणि क्रिती सेनन रोमँटिक-कॉमेडी चित्रपटामुळे चर्चेत आहेत. या चित्रपटात ही जोडी पहिल्यांदाच एकत्र येणार आहे.आता चित्रपटाच्या निर्मात्यांनी या चित्रपटाच्या प्रदर्शनाची तारीख आणि टायटल चाहत्यांना सांगितले आहे.

यासोबतच या चित्रपटाचे नवीन पोस्टर देखील प्रेक्षकांच्या भेटीला आले आहेत. यात क्रिती आणि शाहिद एकमेकांच्या प्रेमात पडल्याचे दिसत आहे. आता क्रिती आणि शाहिदच्या या चित्रपटाचे नाव 'तेरी बातों में ऐसा उल्झा जिया' असं ठेवण्यात आलं आहे.

क्रिती आणि शाहिदचा 'तेरी बातों में ऐसा उल्झा जिया' हा चित्रपट व्हॅलेंटाईन वीकमध्ये रिलिज होणार आहे. हा सिनेमा 9 फेब्रुवारी रोजी थिएटरमध्ये रिलिज होणार आहे.

क्रितीने इंस्टाग्रामवर चित्रपटाचे पोस्टर शेअर करत लिहिले, 'या व्हॅलेंटाईन वीकमध्ये, एक अशक्य अशा प्रेमकथेचा अनुभव घ्या. 'तेरी बातों में ऐसा उल्झा जिया' 9 फेब्रुवारीला चित्रपटगृहात प्रदर्शित होणार आहे.

शाहिद-क्रितीच्या प्रेमकथेवर आधारित या चित्रपटाचे लेखक अमित जोशी आणि आराधना शाह आहेत. या सिनेमाची निर्मिती दिनेश विजन, लक्ष्मण उतेकर आणि ज्योती देशपांडे करणार आहेत. आता चाहते या फ्रेश जोडीला पाहण्यासाठी खुपच उत्सुक आहेत.