Shahrukh Khan VIdeo: भारतीय चित्रपटसृष्टीचा सुपरस्टार शाहरुख खान अनेकदा वेगवेगळ्या कारणांमुळे चर्चेत येतो. शाहरूख यशराज फिल्म्सच्या 'पठाण' चित्रपटातून तब्बल चार वर्षानंतर सिल्व्हर स्क्रीनवर कमबॅक करत आहे. पण 'पठाण' चित्रपट रिलीज होण्याआधीच वादाच्या भोवऱ्यात सापडला आहे.

चित्रपटातील 'बेशरम रंग' हे गाणे रिलीज झाले तेव्हा पासून काही ठिकाणी 'बॉयकॉट पठाण' हा ट्रेंड चालू झाला . इतकेच नव्हेतर शाहरूख खानला त्याच्या धर्मावरनं देखील बोलले जात आहे. दरम्यान शाहरूखचा एक जुना व्हिडिओ व्हायरल होत आहे ज्यामध्ये शाहरूख हा बॉलिवूडचा बादशहा का आहे हे स्पष्ट झाले आहे.

शाहरुख खानला घेऊन आणि त्याच्या चित्रपटाला घेऊन नेहमी काही ना काही वाद होत असतात. काही वेळा त्याला देशद्रोही पण बोलेले गेले आहे,आता तर पठाण चित्रपटातील शाहरूख खान आणि दीपिका पदुकोणच्या केमिस्ट्रीला घेऊन पण बोलेले गेले.

आता शाहरूखचा एक जुना व्हिडिओ व्हायरल होत आहे ज्यामध्ये शाहरूख खान एक माणूस म्हणून कसा आहे हे बॉलीवूडमध्यील काही कलाकारांनी स्पष्ट केले आहे.

रितेश देशमुख, आलिया भट्ट, अर्जून कपूर यांनी शाहरूख खान बद्दलचं मत सांगताना "शाहरुख खान‌ सारखा नम्रपणा असणारा माणूस कोणी नाही याचा दाखला देत अनेक उदाहरणं दिली आहेत. जेव्हा आपण शाहरुखच्या घरी जातो तेव्हा ते स्वतः आपल्याला सोडायला गेट पर्यंत येतात. जर एखादी स्त्री असेल तर तिला तर ते अजुन आदर देतात. बॉलिवूडमधील प्रसिद्ध दिग्दर्शक अब्बास- मस्तान तर म्हणालेयत, 'आजच्या घडीला असा नम्रपणा असणे मोठी गोष्ट आहे'. तो व्हिडीओ बातमीत जोडलेला आहे.

सध्या शाहरूखानचे आगामी ३ चित्रपट प्रदर्शनाच्या वाटेवर आहे‌त. पठाण व्यतिरिक्त 'डंकी' आणि 'जवान' मध्ये किंग खान दिसणार आहे.