sharad ponkshe: मराठी चित्रपटसृष्टीतील अभिनेते शरद पोंक्षे समाज माध्यमांवर सक्रिय असतात. इतकच नाही तर ते अनेक सामाजिक आणि राजकीय विषयावर खूल्यापणे भाष्यही करत असतात. पोंक्षे यांचे विचार, हिंदुत्वाप्रती असलेलं प्रेम आणि स्वातंत्र्यवीर सावरकर यांच्यावर असलेली निष्ठा सर्वांनाच चांगलिच माहीत आहे. शरद पोंक्षे राष्ट्रप्रेमावर व्याख्यान देत असतात. त्यांच्या एका व्याख्यानातला व्हिडिओ तूफान व्हायरल होत आहे, ज्यामध्ये त्यांनी न्यूटन आणि ज्ञानेश्वर माऊली यांच्यावर महत्वाचे भाष्य केले आहे.

(Sharad Ponkshe talk about newton and dnyaneshwar mauli viral video)

या व्हिडिओमध्ये शरद पोंक्षे म्हणाले आहेत, 'आम्हाला न्यूटन मोठा वाटतो. न्यूटन मोठाच आहे. पण त्याने खाली काय येतं याचा शोध लावला. त्याच्या आधी १२व्या शतकामध्ये १६ वर्षांचं मुल सांगून गेलं खालून वर जाण्याची किमाया.. त्यांचं नाव आहे ज्ञानेश्वर.'

पुढे ते म्हणाले, 'ते फळ वरून खाली येतं पण ते वरपर्यंत जातं कसं? जमिनीमध्ये बी पेरलं जातं. बी पेरल्यानंतर ते बी फुटतं. बी फुटल्यानंतर संपूर्ण कायनात, निसर्ग, पंचमहाभूतं त्याला वाढवण्याची जबाबदारी घेतात. खाली येण्याच्या विरुद्ध दिशेनं ते झाड वाढतं. जमिनीमधून बाहेर येतं. मग ते रोपटं वर वर जातं. कुठे गेला मग तो फळ खाली येण्याचा नियम?”

'रोपटं वर वर जातं. आकाशाकडे झेपावतं. त्याचा मोठा वृक्ष तयार होतो. मग त्याला फुल, फळं लागतात. मग ते फळ पिकतं व खाली पडतं. त्यानंतर तो न्यूटन येतो. पण आधी आले ते ज्ञानेश्वर. हे सांगितल्यावर चेहऱ्यावर जे भाव येतात, त्याने उर भरून येतो, ज्ञानेश्वर वाचावे.. असं वाटतं. त्यालाच म्हणतात अस्मिता.' शरद पोंक्षे यांचा हा व्हिडीओ सध्या अनेकांना प्रेरणा देऊन जात आहे.