मुंबई ः आयुषमान खुराना हा एक हरहुन्नरी कलाकार म्हणून ओळखला जातो. बऱ्याच वेळा त्याने आपल्या पोस्ट्समधून त्याच्या प्रेरणास्थानांची ओळख करून दिली आहे. त्यातलेच त्याचे एक प्रेरणास्थान म्हणजे गायक-अभिनेते किशोर कुमार. आयुषमानने किशोर कुमार यांना कशा प्रकारे आपला आदर्श मानले आहे हे त्याने वारंवार सांगितले आहे.
आज किशोर कुमार यांच्या 91 व्या जयंतीनिमित्त आयुषमानने दिग्गज गायक-अभिनेता किशोर कुमार यांचे 'ओ मेरे दिल के चैन' हे सुंदर गाणे आयुषमान त्याच्या सुरेल आवाजात गात असतानाचा एक थ्रोबॅक व्हिडिओ शेअर केला.
आयुष्मानने काही वर्षांपूर्वी हा व्हिडिओ रेकॉर्ड केला होता आणि अलीकडेच त्याला त्याच्या संग्रहात तो मिळाला.
आयुष्मान म्हणतो, “मी किशोर कुमार यांचा खूप मोठा चाहता आहे आणि हे गाणे माझ्या सर्वात आवडत्या गाण्यांपैकी एक आहे. मी माझे काम करत असतानाही दिवसभर हे ऐकत राहू शकतो. किशोर कुमारांचा आवाज सगळ्यांना मंत्रमुग्ध करणारा आहे. संगीताचे सगळे प्रकार मग ती भावपूर्ण गाणी असो किंवा दुःखी गाणी असो ते सुरेख गाऊ शकत असत. आयुष्याकडे पाहण्याचा त्यांचा दृष्टीकोन वेगळा होता आणि त्याची विनोदबुद्धीही फार कमालीची होती."
आयुषमानने शेअर केलेल्या 'ओ मेरे दिल के चैन' या गाण्याचा व्हिडिओसुद्धा प्रेक्षकांच्या पसंतीस पडून इंटरनेटवर प्रचंड हिट ठरतोय.
----------------------------------------------------
संपादन - तुषार सोनवणे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.