Shark Tank India Season 2 Bhaskar puranpoli business : भास्कर प्रसिद्ध अशा शार्क टँकमध्ये आला. पहिल्यांदा तो काय बोलतोय हे जजेसनं फारसं गांभीर्यानं घेतलं नाही. मात्र त्या एका गोष्टीनं जजेस भारावून गेले. त्यांना भास्करची गोष्ट कमालीची प्रभावी वाटली आणि त्यांनी त्याचं तोंडभरून कौतूकही केलं.

उद्योगपती भास्करनं शार्क टँकमध्ये आपली यशोगाथा सांगितली. ती सध्या सोशल मीडियावर कमालीची लोकप्रिय झाली आहे. त्याला नेटकऱ्यांच्या भन्नाट प्रतिक्रियाही मिळाल्या आहेत. मुळचा कर्नाटकचा असणाऱ्या भास्करनं आपल्या संघर्षमय गोष्टीनं जजेसला भारावून टाकलं. ते त्याचं ऐकतचं राहिले. ती गोष्टही तशीच होती.

Also Read - गुंतवणूक करताना ‘हम होंगे कामयाब, पूरा है विश्वास!’...पण कसे? घ्या जाणून

कोणे एकेकाळी हॉटेलमध्ये वेटरचा काम करणारा भास्कर हा रस्त्यावर पुरणपोळी विकायचा आणि आता तो कोट्यवधीचा मालक आहे. भास्कर पुरणपोळी घर असा त्याचा ब्रँड आहे. त्याला मिळणारा प्रतिसादही मोठा आहे. कर्नाटक आणि महाराष्ट्रामध्ये त्याच्या पुरणपोळीचा आस्वाद घेणाऱ्यांची संख्या मोठी आहे. शार्क टँकचा दुसरा सीझन यंदा नेटकऱ्यांना वेड लावतो आहे.

सध्याच्या सीझनमध्ये जे नवउदयोजक येत आहे त्यांचे व्हिडिओ हे तरुणांना प्रेरित करताना दिसत आहे. रस्त्यावर पुरणपोळी विकणारा भास्कर हा कोटयवधींचा मालक कसा झाला याच्या प्रमोटिव्ह व्हिडिओ नेटकऱ्यांचे लक्ष वेधून घेताना दिसतो आहे. भास्कर हा पहिल्यांदा कर्नाटकातील एका हॉटेलमध्ये वेटरचा काम करायचा. त्यानं स्वताचा व्यवस्या सुरु करण्यापूर्वी त्यानं छोटे मोठे जॉब्सही केले होते. भास्करनं काही दिवस रस्त्यावर पुरणपोळी विकण्याचा व्यवसाय केला.

ग्राहकांना पुरणपोळीची चव आवडू लागली आणि मग मला आत्मविश्वास आला. मी स्वताचा ब्रँड तयार केला. पहिल्यांदा कर्नाटकमध्ये त्याची सुरुवात केली. भास्करनं शार्क टँकमध्ये एक टक्का इक्विटी सोबत ७५ लाख रुपयांची मागणी केली होती. शार्कला त्याची स्टोरी आवडली. मात्र त्यांनी त्याच्या व्यवसायात इन्व्हेस्ट करण्यास नकार दिला. त्यांच्या मते अगोदरच त्याच्या कंपनीनं खूप नफा कमावला आहे. आता त्याला पैशांची गरज नाही.