Urfi Javed: सध्य़ा उर्फी जावेद आणि भाजप नेत्या चित्रा वाघ यांच्यात तुंबळ युद्ध सुरु आहे. सोशल मीडियावर सुरु झालेला हा वाद थेट आता महिला आयोग आणि पोलिस स्टेशन पर्यंत पोहोचला आहे.

उर्फीच्या अतरंगी कपड्यांवर आक्षेप घेत सुरवातीला चित्रा वाघ यांनी तिला हा नंगा नाच थांबव नाहीतर...अशी इशारावजा धमकी दिली होती.

पण ऐकेल ती उर्फी कसली,तिनं देखील चित्रा वाघ यांच्या धमकीचं चॅलेंज स्विकारत थेट महिला आयोगाकडे धाव घेतली. अन् पोलिस स्टेशनही गाठलं. (Sharvari Wagh at Elle Graduates Fashion Show, copy urfi javed netizens react)

सोशल मीडियावर सध्या उर्फी जावेद सर्वात चर्चेतलं नाव. तिचे अतरंगी कपडे पाहिले की हसावं की रडावं ही अवस्था सर्वसामान्यांची असते. आता नेटकरी तिला यावरनं ट्रोल करतात आणि विषय सोडून देतात. पण हळूहळू उर्फीच्या विषयाला राजकारणाचा रंग चढला जेव्हा भाजप नेत्या चित्रा वाघ यांनी उर्फीवर तोंडसुख घेतलं. अनेकदा उर्फी अतिशय बोल्ड कपडे घालून पब्लिकच्या गर्दीत फोटो पोझ देताना दिसते यावर चित्रा वाघ यांनी आक्षेप घेतला आहे.

हेही वाचा: आर्थिक निर्णय घेताना बनू नका चिंतातूर जंतू....

आता अगदी उर्फीसारखेच कपडे घालून बॉलीवूडची सध्याची चर्चेत असलेली अभिनेत्री शर्वरी वाघ दिसली अन् पुन्हा चर्चेला उधाण आलं. एले ग्रॅज्युएशन फॅशन शो मध्ये शर्वरी वाघनं अगदी हुबेहूब उर्फीसारखा ड्रेस घातला होता. जो व्हिडीओ व्हायरल झाल्यानंतर लोकांनी त्यावर वेगवेगळ्या प्रतिक्रिया नोंदवायला सुरुवात केली आहे.

भगव्या रंगाच्या मोनोकनीवर रोपचा स्कर्ट आणि ब्लेझर घालून शर्वरी वाघ दिसली अन् लोकांनी तिला उर्फी पार्ट २ म्हणून ट्रोल करायला सुरुवात केली. आता उर्फी असे विचित्र कपडे घालते म्हणून तिला चित्रा वाघ यांनी धारेवर धरलंय पण आता तसेच कपडे शर्वरी वाघने घातले आहेत..तर आता काय करतील चित्रा वाघ? असा सवालही निर्माण केला जात आहे.