Shehnaaz Gill father Santokh Singh Sukh : टीव्ही मनोरंजन क्षेत्रातील प्रसिद्ध अभिनेत्री शहनाज गिल ही आता वेगळ्याच कारणामुळे चर्चेत आल्याचे दिसून आले आहे. शहनाजचे वडील संतोख सिंह सुख यांच्या विरोधात पोलिसांनी गंभीर स्वरुपाचे आरोप केले आहेत. त्यामुळे ते चर्चेत आले आहेत.

काही दिवसांपूर्वी अशी बातमी समोर आली होती की, शहनाजचे वडील संतोख सिंह यांच्याकडे (Shehnaaz Gill News) ५० लाख रुपयांची मागणी करण्यात आली होती. पैसे न दिल्यानं त्यांना जीवे मारण्याची धमकीही देण्यात आली होती. त्यानंतर त्यांनी त्यांना पोलिसांकडून सुरक्षा मिळावी अशी मागणी केली होती. आता पोलिसांनी संतोख यांनी त्या सुरक्षेचा गैरवापर केल्याचे म्हटले आहे.

बातमी अशी होती की, संतोख यांना एका पाकिस्तानी नंबरवरुन फोन आला होता. त्यात (Shehnaaz Gill Latest News) त्यांच्याकडे पैशांची मागणी करण्यात आली होती. फोनवरुन त्या व्यक्तीनं त्यांच्याकडे ५० लाखांची मागणी केली होती. आता पोलिसांनी हा सगळा प्रकार खोटा असल्याचे म्हटले आहे. संतोख यांनी सुरक्षा व्यवस्थेचा गैरवापर केल्याचे म्हटले आहे.

बाबा बकालाचे पोलीस उपअधीक्षक सुरिंदर पाल सिंह यांनी म्हटले आहे की, एक संस्था चालविण्यासाठी संतोख सिंह यांनी त्यांनी दिल्या गेलेल्या सुरक्षा व्यवस्थेचा दुरुपयोग केला होता.

जसं पोलिसांनी त्यांच्याकडून स्टेटमेंट जाहीर केले त्यानंतर शहनाजच्या वडिलांनी हे आरोप फेटाळून लावले आहेत. पोलिसांनीच आपल्यावर खोटे आरोप लावले असून त्यामुळे आपल्याला मानसिक त्रास झाल्याचे म्हटले आहे. त्याचे कारण म्हणजे, मला धमकी देणाऱ्यांच्या विरोधात कारवाई न करण्याबद्दल पोलीस ठाण्यामध्ये बोलावून घेतले होते.

संतोथ सिंह यांनी या आरोपाचे खंडन केले आहे. त्यांनी म्हटले आहे की, पोलिसांनी अजुनपर्यत कोणतीही कारवाई केलेली नाही. पोलिसांनी त्यांची चूक लपविण्यासाठी माझ्यावर खोटे आरोप केले आहेत. या सगळ्यात शहनाज गिलकडून कोणतीही प्रतिक्रिया समोर आलेली नाही.