Shivrayancha Chhava Teaser 2: दिग्पाल लांजेकर दिग्दर्शित 'शिवरायांचा छावा' सिनेमाची सर्वांना उत्सुकता आहे. या सिनेमात संभाजी महाराजांची जीवनगाथा बघायला मिळणार आहे.
काही दिवसांपुर्वी 'शिवरायांचा छावा' सिनेमातील राज्याभिषेक गीत लोकांच्या भेटीला आलं. या गीताला लोकांनी चांगला प्रतिसाद दिला.
आज नुकतंच सर्वांच्या भेटीला 'शिवरायांचा छावा' सिनेमाचा दुसरा टिझर भेटीला आला आहे. या टिझरमध्ये शिवराय शंभूबाळाला सिंहासनाचं महत्व सांगत आहेत.
दिग्पाल लांजेकर दिग्दर्शिक 'शिवरायांचा छावा' सिनेमाचा टिझर भेटीला आलाय. या टिझरमध्ये छत्रपती शिवराय शंभूराजेंना सिंहासनाकडे बघून काय वाटतं असं विचारतात? त्यावेळी शंभूराजे म्हणतात, मान अदबीने खाली झुकते.
पुढे शिवराय शंभूला निक्षून सांगतात, या सिंहासनावर आपल्याआधी रयतेचा अधिकार. पुढे टिझरमध्ये शंभूराजांचा पराक्रमाची कहाणी उलगडते.
सूर्याच्या तप्त आभाळी, ही गरुडाची रे झेप, जाहला बघा संपूर्ण, नृप शंभूंचा अभिषेक अशा ओळी असलेलं हे गाणं भेटीला आलंय. या गाण्यात सिंहासनावर बसलेले शंभूराजे दिसत आहेत. त्यांच्यासमोर मावळमुलुखातील अनेक लोकं शंभूराजांचं गुणगान गाताना दिसत आहेत.
याच गाण्यात एक भावूक प्रसंग बघायला मिळतो. जेव्हा छत्रपती शंभूराजांना राज्याभिषेकाच्या वेळी शिवराय आणि जिजाऊ यांचा भास होतो.
'शिवरायांचा छावा' चित्रपटात अभिनेता भूषण पाटील छत्रपती संभाजी महाराजांची भूमिका साकारत आगे. याशिवाय सिनेमात छत्रपती शिवरायांच्या भूमिकेत चिन्मय मांडलेकर तर जिजाऊंच्या भूमिकेत मृणाल कुलकर्णी हे कलाकार झळकणार आहेत.
चित्रपटाच्या वितरणाची जबाबदारी ए. ए . फिल्म्स सांभाळत आहे. नववर्षात म्हणजेच १६ फेब्रुवारी २०२४ ला हा सिनेमा प्रेक्षकांच्या भेटीस येणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.