Shivrayancha Chhava Movie Updates: दिग्पाल लांजेकरांनी मराठी सिनेसृष्टीला आणि महाराष्ट्रातील तमाम जनतेला शिवराजअष्टकच्या माध्यमातून छत्रपती शिवरायांचा सुवर्णकाळ पुन्हा अनुभवण्याची संधी दिली.

दिग्पाल लांजेकर यांच्या नव्या सिनेमातून पुन्हा एकदा ऐतिहासीक सिनेमाची पर्वणी रसिकांना मिळणार आहे. हा सिनेमा म्हणजे शिवरायांचा छावा.

'शिवरायांचा छावा' हा शिवराजअष्टकचा भाग नसला तरीही दिग्पाल लांजेकर यांच्या नवीन सिनेमाची खुप उत्सुकता आहे. तो म्हणजे शिवरायांचा छावा. या सिनेमाचं नवीन पोस्टर भेटीला आलंय.

'शिवरायांचा छावा'मध्ये कोण साकारणार छत्रपती संभाजी महाराज?

शिवरायांचा छावा सिनेमाची काही दिवसांपुर्वी घोषणा झाली. या सिनेमाच्या पहिल्या पोस्टरने लोकांची पसंती मिळवली. आता सिनेमाचं दुसरं पोस्टर रिलीज झालंय. यामध्ये छत्रपती संभाजी महाराज साकारणाऱ्या अभिनेत्याची झलक बघायला मिळतेय. मागे सिंह दिसत असून त्यासमोर रुद्रावतारात संभाजी महाराज बघायला मिळत आहेत. हे नवीन पोस्टर पाहताच एखादा नवखा अभिनेता शिवरायांचा छावा सिनेमाच्या माध्यमातून सिनेसृष्टीत पदार्पण करणार अशी दाट शक्यता निर्माण झालीय.

'शिवरायांचा छावा' चित्रपटाचं पहिलं लक्षवेधी पोस्टर

छत्रपती संभाजी महाराज म्हणजे असामान्य पराक्रमांचे अधिपतीच. इतिहासाच्या पानांवर सुवर्णाक्षरांत कोरलं गेलेलं स्वराज्यरक्षक छत्रपती संभाजी महाराजांचं अवघं आयुष्य एक धगधगतं अग्निकुंड म्हणावं लागेल.

मोठ्या पडद्यावर संभाजी महाराजांचा जीवनपट उलगडण्याचं शिवधनुष्य दिग्दर्शक दिग्पाल लांजेकर यांनी उचललं आणि तेव्हापासून एकच चर्चा रंगली ती म्हणजे 'शिवरायांचा छावा' साकारणार कोण..?

या तेजस्वी, धाडसी, शस्त्रशास्त्र पारंगत शंभूराजांची भूमिका रुपेरी पडद्यावर साकारायची चालून आलेली सुवर्णसंधी कोणत्या कलाकाराला मिळणार हे लवकरच आपल्या समोर येणार आहे. त्यापुर्वी 'शिवरायांचा छावा' चित्रपटाच्या पहिल्या लक्षवेधी पोस्टरने प्रेक्षकांची उत्सुकता कमालीची वाढली होती.

या तारखेला येणार शिवरायांचा छावा भेटीला

'शिवरायांचा छावा' चित्रपटाच्या छायांकनाची जबाबदारी प्रियांका मयेकर यांनी सांभाळली आहे तर संकलन सागर शिंदे यांचे आहे. सिनेमात चिन्मय मांडलेकर, मृणाल कुलकर्णी हे कलाकार झळकणार आहेत.

चित्रपटाच्या वितरणाची जबाबदारी ए. ए . फिल्म्स सांभाळत आहे. नववर्षात म्हणजेच १६ फेब्रुवारी २०२४ ला हा सिनेमा प्रेक्षकांच्या भेटीस येणार आहे.