अभिनेत्री श्रध्दा कपूर हिने आपल्या एका खास चाहतीला भेट देऊन सरप्राइज दिले आहे. रुग्णालयातील भेटीचा फोटो इन्स्टाग्राम अकाउंटवर श्रध्दाने शेअर केला आहे.

साम्या ही 13 वर्षीय मुलगी मुंबईतील रुग्णालयात क्षयरोगाशीलढते आहे. श्रध्दा ही साम्याची आवडती अभिनेत्री आहे. तिने श्रध्दाला भेटण्याची इच्छा व्यक्त केली तेव्हा केटो या संस्थेनेश्रध्दा आणि साम्या ची भेट घडवून आणली. केटो संस्था ही क्राउंड फंडीगमधून समाजकार्यासाठी पैसे उभे करते. 

केटोने श्रध्दाला संपर्क साधून साम्याबद्दल सांगितल्यानंतर व्यस्त वेळापत्रकातून वेळ काढत साम्यासा भेटण्यासाठी श्रध्दा रुग्णालयात पोहोचली. रुग्णालय प्रशासनाला सुरक्षेसंबंधी त्रास होऊ नये म्हणून श्रध्दाने ओळख लपविण्यासाठी बुरखा परिधान केला होता. साम्या सोबतचा फोटो शेअर करत श्रध्दा म्हणते, 'मला खूप आनंद आहे की मला साम्याला भेटता आले. ती लहानशी परी खूप खास आहे. ती बरे होण्यासाठी मी प्रार्थना करते. केटोने तिच्या उपचारात मी कशी मदत करु शकेन हे मला कळवत राहावे आणि केटोला माझ्याकडून ते करत असलेल्या कामाला शुभेच्छा.'

श्रध्दा सध्या 'साहो' या चित्रपटाच्या शूटींगमध्ये व्यस्त आहे. तिच्यासोबत अभिनेता प्रभास मुख्य भूमिकेत आहे.