Shraddha Kapoor Singing Video: मुंबईतील सर्वात मोठ्या मॉल जिओ वर्ल्ड प्लाझाचे उद्घाटन नुकतेच करण्यात आले. काल रात्री अंबानी कुटुंबाने जिओ वर्ल्ड प्लाझाचे उद्घाटनासाठी एका कार्यक्रमाचे आयोजन केले होते.

या कार्यक्रमात बॉलिवूड सेलेब्सने गर्दी केली होती. यावेळी बॉलिवूड कलाकार आणि अभिनेत्रींनी रॅम्पवर आपली जादू दाखवली. कलाकारांनी आपल्या ग्लॅमरस आउटफिट्समध्ये कार्यक्रमाला हजेरी लावली.

सध्या या कार्यक्रमाचे फोटो सोशल मिडियावर व्हायरल होत आहे. यातच बॉलिवूड अभिनेत्री श्रद्धा कपूर हिचा व्हिडिओ सोशल मिडियावर व्हायरल झाला आहे ज्यात श्रद्धा आपल्या आवाजाची जादू पसरवताना दिसत आहे.

श्रद्धा कपूर बॉलिवूडमधील सर्वात सुंदर आणि प्रतिभावान अभिनेत्रींपैकी एक आहे. ती केवळ तिच्या अभिनयासाठीच नाही तर तिच्या मधुर आवाजासाठीही ओळखली जाते.

अलीकडेच श्रद्धाने आशा भोसले यांचे 'आओ हुजूर तुम को' हे गायिले. 1961 च्या किस्मत या क्लासिक चित्रपटातील आशा भोसले यांचे 'आओ हुजूर तुमको' हे गाणं श्रद्धानं उत्तमरित्या गायलं.

यावेळी तिच्या आवाजाबरोबरच तिच्या लूकनेही सर्वांची मनं जिंकली. यावेळी तिने सुंदर लाल साडी घातली होती सोबतच सोन्याचे नक्षीकाम असलेले काळे ब्लाउज घातले होते. कुरळे केस आणि लाल लिपस्टिकसह तिने लूक पूर्ण केला. या अवतारात श्रद्धा कपूर खूपच सुंदर दिसत आहे.

श्रद्धा कपूरनं 'एक व्हिलन' या चित्रपटातील 'गलिया' गाण्यातून तिचा संगीतमय प्रवास सुरू केला. त्यानंतर तिने बागी चित्रपटातील 'सब तेरा' हे गाण गायिलं होतं.

यासोबतच तिने 'तेरे मेरे दिल' आणि 'चल उद जा रे' सारख्या गाणी गायिली त्याचबरोबर तिने 'हाफ गर्लफ्रेंड'मधील 'फिर भी तुमको चाहूंगा' हे गाणेही आपल्या आवाजात गायिले आहे.

श्रध्दा कपूरच्या वर्कफ्रंटबद्दल बोलायचं झालं तर 'स्त्री 2' मध्ये राजकुमार राव सोबत पुन्हा साकारण्यासाठी सज्ज आहे. यासोबतच श्रध्दा कार्तिक आर्यनसोबत आगामी चित्रपटासाठी काम करत असल्याची चर्चा आहे.