Shreyas Talpade Bollywood Actor Health Updates :

प्रसिद्ध अभिनेता श्रेयस तळपदेच्या प्रकृतीबाबत एक मोठी अपडेट समोर आली आहे. आता त्याची पत्नी दीप्तीनं इंस्टावर सविस्तर पोस्ट शेयर करुन त्याच्या प्रकृतीविषयी माहिती दिली आहे. त्यामध्ये दीप्तीनं चाहत्यांना, नेटकऱ्यांना एक आवाहनही केलं आहे.

अक्षय कुमारच्या वेलकम टू द जंगल नावाच्या चित्रपटाच्या चित्रिकरणावेळी अभिनेता श्रेयस तळपदेला अस्वस्थ वाटू लागलं, त्यानंतर त्याला हदयविकाचा झटका आला. पुढे त्याला तातडीनं मुंबईतील एका प्रसिद्ध रुग्णालयात दाखल करण्यात आले. सुत्रांनी दिलेल्या माहितीनुसार त्याच्यावर अँजिओप्लास्टीची शस्त्रक्रियाही करण्यात आली आहे. या सगळ्यात दीप्तीनं पोस्ट शेयर करुन त्याच्या तब्यतेविषयी अपडेट दिली आहे.

दीप्तीनं त्या पोस्टमध्ये काय म्हटलं आहे?

तुम्हा सगळ्यांनी माझ्या पतीसाठी दिलेल्या शुभेच्छा आणि व्यक्त केलेली काळजी यासाठी मी तुम्हा सर्वांना धन्यवाद देते. त्याची प्रकृती आता स्थिर आहे. आणि आम्हाला येत्या काही दिवसांमध्ये डिस्चार्ज मिळेल. या सगळ्या काळात आम्हाला तातडीनं मिळालेली वैद्यकीय सुविधा आणि एकुण त्यांनी दाखवलेली तत्परता हे खूपच महत्वाचे आहे. (What has Deepti said in that post?)

मी सर्वांना या पोस्टच्या माध्यमातून विनंती करते की, या क्षणी आमची प्रायव्हसी जपण्यात यावी. श्रेयस बरा होईपर्यत आपण सर्वांनी सहकार्य करावे. तुमच्या शुभेच्छा आणि आधार हा आमच्यासाठी खूपच मोलाचा आहे. अशा शब्दांत दीप्ती यांनी चाहत्यांना आणि माध्यमांना विनंती केली आहे.

श्रेयस हा फिरोज नाडियावाला यांच्या वेलकम टू द जंगल नावाच्या चित्रपटाच्या शुटींगमध्ये व्यस्त असताना त्याला अचानक अस्वस्थ वाटू लागले. त्यानंतर त्याला तातडीनं रुग्णालयात दाखल करण्यात आले होते. चित्रपटाविषयी बोलायचे झाल्यास त्यात श्रेयस सोबत अक्षय कुमार, अर्शद वारसी, परेश रावल, तुषार कपूर, दिशा पटानी, जॅकलीन फर्नांडिझ, लारा दत्ता यांच्याही भूमिका आहेत.