टॉलीवूडचा सुपर स्टार अल्लु अर्जून हा केवळ साउथ चित्रपटा पुरताच मर्यादित राहिला नसून त्याची क्रेझ ही जगभर पसरली आहे.

अल्लु अर्जूनचं नाव घेतलं तर आधी डोळ्यासमोर यायचा तो लकी द रेसर मधला कुल ड्यूड, नाहीतर अला वैकुंठप्रेमुलु मधलं त्याच फनी कॅरेक्टर.. पण आता अल्लू अर्जून म्हटल तर आठवतो लुंगीमधला पायाची घडी घालून दाडीवर हात फिरवत 'मैं झूकेगा नही साला' म्हणणारा 'पुष्पा'..

त्याच्या पुष्पा या चित्रपटानं बॉक्स ऑफिसवर कमाल केली होती. बॉक्सऑफिसवर प्रचंड कमाई करत या चित्रपटानं बॉलीवूडचा तगडे आव्हानही दिले होते. येत्या काही दिवसांत त्याचा दुसरा भागही प्रेक्षकांच्या भेटीला येतो आहे.

अल्लू अर्जुनचा २०२१ साली आलेला 'पुष्पा' चित्रपट पाहिला असेल. यामध्ये रश्मिका मंदान्ना लीड रोलमध्ये होती. तर समंथा रुथ प्रभू या चित्रपटात एक आयटम नंबर पाहायला मिळाली. एकूणच हा चित्रपट बॉक्स ऑफिसवर सुपर-डुपर हिट ठरला.

आता शुक्रवारी या चित्रपटाचा टिझर प्रेक्षकांच्या भेटीली आला. अल्लू अर्जूनच्या वाढदिवसानिमीत्त त्याने त्याच्या चाहत्यांना ही खास भेट दिली. काही क्षणातच तो व्हायरल झाला.

मात्र पुष्पाच्या या कमाईत थोडा वाटा आपल्या महाराष्ट्राचाही आहे. हे विसरुन चालणार नाही. त्याच श्रेय जात ते श्रेयस तळपदेला.

‘पुष्पा’ या भूमिकेला हिंदी व्हर्जनसाठी त्याने आवाज दिला. त्यानंतर हा आवाज तुफान व्हायरल झाला. पुष्पाच्या दुसऱ्या भागालाही श्रेयस त्याचा आवाज देणार आहे.

अल्लू अर्जूनच्या वाढदिवसानिमित्त त्याच्यावर शुभेच्छाचा वर्षाव होत आहे. दरम्यान श्रेयसनेही अल्लू अर्जूनला वाढदिवसाच्या खास शुभेच्छा दिल्या आहेत.

यावेळी पोस्ट शेअर करत श्रेयसने पुष्पा 2 चा टीझरही शेअर केला. या पोस्टमध्ये कॅप्शनमध्ये श्रेयसने लिहिलं की , “अब रुल पुष्पा का… और पुष्पा कभी झुकेगा नही साला… अल्लू अर्जुनजी, वाढदिवसाच्या खूप खूप शुभेच्छा.

पुढे तो लिहितो, तुमचा आजचा दिवस आणि येणारी सगळी वर्ष या टीझरसारखीच सुपरहिट जावो.

मजेशीर गोष्ट म्हणजे, एक दिवस मी ती शेवटची ओळ डब करण्यासाठी गेलो आणि पुन्हा सर्व आठवणी माझ्या मनात जाग्या झाल्या. किती सुंदर अनुभव होता तो!”