मराठी मनोरंजन विश्वातील गाजलेली जोडी म्हणजे सिद्धार्थ चांदेकर (siddharth chandekar) आणि मिताली मयेकर (mitali mayekar). त्यांचे प्रेम, लग्न आणि सोशल मीडियावर येणारे फोटो यामुळे या जोडीने मोठा चाहता वर्ग मिळवला आहे. गेल्या वर्षी ते लग्नबंधनात अडकले. पुण्यातील ढेपे वाड्यात अत्यंत दिमाखात हा लग्नसोहळा पार पडला. लग्नाला एक वर्ष पूर्ण होताच दोघांनी मुंबईत स्वतःचे घर विकत घेतले. आता त्या दोघांनीही एक महत्वाची पोस्ट शेअर केले आहे ज्याने सर्वांचेच लक्ष वेधले. सिद्धार्थ आणि मिताली आपल्या सेकंड हनिमूनसाठी परदेशी रवाना झाले आहेत. (Siddharth chandekar and Mithali mayekar has gone for second honeymoon)

सिद्धार्थ आणि मिताली या दोघांनीही आपल्या isntagram स्टोरीवर याची माहिती दिली आहे. सिद्धार्थने मुंबई आंतरराष्ट्रीय विमानतळवरील फोटो शेअर केला आहे. तर मितालीने लवकरच मुंबईत परत येऊ असं कॅप्शन देऊन विमानातील फोटो शेअर केला आहे. तर दुसऱ्या फोटोत ती म्हणते, 'आम्ही कुठे जातोय हे ठाऊक आहे का.. मग त्यासाठी 16 तास वाट बघा..' त्यामुळे चाहत्यांची उत्सुकता अधिकच वाढली आहे. सिद्धार्थ मिताली या जोडीचे फोटो पाहण्यासाठी चाहते आतुर असतात. या पोस्टवरून दोघेही सेकंड हनिमूनला गेले आहेत असा तर्क अनेकांनी लावला आहे. पण ते नेमके कुठे गेले आहेत आणि कशासाठी हे लवकरच कळेल.

सिद्धार्थ चांदेकरचा 'झिम्मा' हा चित्रपट काही महिन्यांपूर्वीच प्रदर्शित झाला होता. लॉकडाउन नंतर आलेल्या या चित्रपटाने बॉक्सऑफिसवर मोठी कमाई केली. या चित्रपटाचे दिग्दर्शन हेमंत ढोमे याने केले होते. सोनाली कुलकर्णी, निर्मिती सावंत, सुहास जोशी, क्षिती जोग, सुचित्रा बांदेकर, सायली संजीव या दिग्गज अभिनेत्री या चित्रपटात प्रमुख भूमिकेत होत्या.