बॉलिवूडचे पॉवर कपल सिद्धार्थ मल्होत्रा ​​आणि कियारा अडवाणी हे लग्न झाल्यापासून सोशल मिडियावर त्याचीच चर्चा आहे. या जोडप्याने 7 फेब्रुवारी रोजी जैसलमेरच्या सूर्यगड फोर्ट पॅलेसमध्ये लग्न केले, ज्याचे फोटो आणि व्हिडिओ देखील त्यांनी अलीकडेच सोशल मीडियावर शेअर केला आहे. जे पाहिल्यानंतर चाहते त्याच्यावर प्रेमाचा वर्षाव करत आहेत.

करण जोहरपासून कंगना राणौतपर्यंत अनेक बॉलिवूड सेलिब्रिटींनी या जोडप्याचे कौतुक केले आहे. आता करण जोहर त्याच्या आवडत्या कपल सिड-कियाराला लग्नानंतर मोठी भेट दिली असल्याच बोललं जात आहे. चित्रपटाच्या पडद्यावर जोडी साकारल्यानंतर आता खऱ्या आयुष्यातील या सुपरहिट जोडीने एक-दोन नव्हे तर तीन चित्रपट साइन केले आहेत. होय, करण जोहरने सिद्धार्थ कियाराला त्याच्या आगामी तीन चित्रपटांसाठी साइन केल्याची बातमी आहे.

'शेरशाह' चित्रपटाच्या यशानंतर चाहत्यांना सिद्धार्थ-कियाराची जोडी पसंतीस पडली आहे. शेरशाह चित्रपटाच्या सेटवर दोघांनी रोमान्स केला. सिड-कियाराची रील लाइफ केमिस्ट्री आणि पडद्यावरचे प्रेम याला चाहत्यांनी भरभरून प्रतिसाद दिला. आता करण जोहर या हिट कपलला त्याच्या चित्रपटासाठी साईन करणार आहे.

बॉलीवूड लाईफमधील एका रिपोर्टनुसार, कियारा अडवाणी आणि सिद्धार्थ मल्होत्रा ​​यांना शशांक खेतानच्या नवीन चित्रपटासाठी साइन केले आहे. हा प्रकल्प वरुण धवन आणि आलिया भट्ट यांच्या 'बद्री की दुल्हनिया' या फ्रेंचायझीच्या धर्तीवर असेल.

एका मीडिया रिपोर्टनुसार, चित्रपट निर्माता करण जोहरने सिद्धार्थ मल्होत्रा ​​आणि कियारा अडवाणीला त्याच्या तीन चित्रपटांसाठी साइन केले आहे. या जोडप्याने त्यांचा आवडता निर्माता करण जोहरसोबत करार केला आहे आणि लग्नानंतर ते त्याच्यासोबत काम करतील. असा दावा करण्यात येत आहे. दोघांचा हा प्रोजेक्ट वरुण धवन आणि आलिया भट्टच्या 'दुल्हनिया' फ्रँचायझीच्या आधारावर असेल अशीही बातमी आहे.

करण जोहरच्या बॅनरखालील 'हम्प्टी' आणि 'बद्रीनाथ की दुल्हनिया'मध्ये ज्याप्रकारे प्रत्येकाला वेगळ्या प्रकारचा जोडींचा रोमान्स पाहायला मिळाला, त्याचप्रमाणे सिद्धार्थ मल्होत्रा ​​आणि कियारा अडवाणीचे हे चित्रपटही पाहायला मिळतील. मात्र, याबाबत अधिकृत घोषणा होणे बाकी आहे. सिद्धार्थ मल्होत्रा ​​सध्या त्याच्या योद्धा चित्रपटात व्यस्त आहे आणि कियारा अडवाणी देखील 'सत्य प्रेम की कथा' या चित्रपटात व्यस्त आहे.