कियारा अडवाणीसोबत लग्न केल्यानंतर सिद्धार्थ मल्होत्रा सध्या वैवाहिक जीवनाचा आनंद घेत आहे. या दोघांना अनेकदा कार्यक्रमात किंवा विमानतळावर एकत्र पाहिले जाते. अलीकडेच सिद्धार्थ मल्होत्रा विमानतळावर दिसला होता, ज्याचा एक व्हिडिओ सोशल मीडियावर व्हायरल होत आहे. यादरम्यान नेटिझन्सना असे काही दिसले, ज्यामुळे त्याला प्रचंड ट्रोल केले जात आहे.
सिद्धार्थ मल्होत्रा कारमधून खाली उतरतो आणि विमानतळाच्या गेटच्या दिशेने जात असल्याचे व्हिडिओमध्ये दिसत आहे. सिद्धार्थनेही कॅज्युअल लूकमध्ये बॅग कॅरी केली आहे. विमानतळावर प्रवेश करण्यापूर्वी तो पापाराझींसमोर पोज देतो. पण तो मागे वळताच त्याच्या पँटवर टॅग दिसतो. आता हे पाहून यूजर्स सिद्धार्थ मल्होत्राची खिल्ली उडवत आहेत.
सिद्धार्थ मल्होत्राच्या व्हिडिओवर कमेंट करताना एका यूजरने लिहिले की, 'लग्नानंतर असेच होते'. दुसर्याने 'लग्नानंतर असं होतं कधी कधी ' अशी प्रतिक्रिया दिली. दुसर्या युजरने लिहिले की, 'भाई, कियारासारखी बायको असेल तर मी सगळं विसरून जाईन'. अशा प्रकारे सिद्धार्थ मल्होत्राची खिल्ली उडवली जात आहे.
विशेष म्हणजे, सिद्धार्थ मल्होत्रा आणि कियारा अडवाणी 7 फेब्रुवारी 2023 रोजी विवाहबद्ध झाले. दोघांनी जैसलमेरच्या सूर्यगड पॅलेसमध्ये सात फेरे घेतले. या जोडप्याच्या लग्नाला कुटुंबाव्यतिरिक्त अनेक बॉलिवूड स्टार्सनी हजेरी लावली होती. लग्नानंतर सिड आणि कियाराने मुंबई आणि दिल्लीत त्यांच्या मित्रांसाठी रिसेप्शन पार्टी आयोजित केली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.