सिद्धार्थ जेव्हा 'इंडियाज गॉट टॅलेंट'चा (India's Got Talent) शो होस्ट करण्यासाठी येत होता, तेव्हा त्यानं त्यातही आपली चांगली छाप सोडली. बिग बॉस विजेता (Bigg Boss 13 Winner) झाल्यानंतर, सिद्धार्थ शुक्लाचे (Sidharth Shukla) फॅन फॉलोव्हर्सही खूप वाढले. मात्र, टीव्ही मालिका जगतातील अत्यंत लोकप्रिय चेहरा आणि बिग बॉस फेम अभिनेता सिद्धार्थ शुक्लाचं आज निधन झालं. सिद्धार्थचा हृदयविकाराच्या झटक्यानं मृत्यू झाला. सिद्धार्थ शुक्लाने रात्री झोपण्यापूर्वी औषध घेतलं होतं. पण, कोणतं औषध घेतलं गेलं याबाबत कोणतीही माहिती मिळालेली नाही. असं म्हटलं जातं, की रात्री झोपल्यानंतर सिद्धार्थ सकाळी पुन्हा उठूच शकला नाही.
सिद्धार्थ शुक्लाने 2008 मध्ये टीव्ही शो 'बाबुल का आँगन छूटे ना' याद्वारे आपल्या कारकिर्दीची सुरुवात केली.
सिद्धार्थची मासिक कमाई
सिद्धार्थ शुक्लाने 2008 मध्ये टीव्ही शो 'बाबुल का आँगन छूटे ना' याद्वारे आपल्या कारकिर्दीची सुरुवात केली. त्यानं लहान वयातच मोठी प्रसिद्धी कमावली. वयाच्या अवघ्या 40 व्या वर्षी या अनुभवी टीव्ही अभिनेत्याकडे कोट्यवधी रुपयांची संपत्ती होती. मीडिया रिपोर्टनुसार, सिद्धार्थ शुक्लाकडे एकूण 10 कोटींची संपत्ती होती. दरम्यान, सिद्धार्थ शुक्ला एका महिन्यात 10 लाख रुपयांपेक्षा जास्त कमाई करत होता.
सिद्धार्थ इंटिरियर डिझायनरही होता
दिग्दर्शकांचा आवडता अभिनेता म्हणूनही त्याची खास ओळख होती. सिद्धार्थ शुक्ला त्याच्या कॉमिक टाइमिंग आणि नेचरल अभिनयासाठी देखील ओळखला जात होता. सिद्धार्थ नवनवे मित्र बनवण्यातही खूप पटाईत होता. 12 डिसेंबर 1980 रोजी जन्मलेल्या सिद्धार्थ शुक्लाची उंची सुमारे 6 फूट होती. मुंबईत जन्मलेला सिद्धार्थ पेशानं सिव्हिल इंजिनिअरही होता. तो मूळचा इलाहाबादचा असून सिद्धार्थनं इंटिरियर डिझायनिंगचा कोर्सही केला आहे.
मुंबईत सिद्धार्थचं 'शाही जीवन'
मुंबईत सिद्धार्थ शुक्ला अगदी शाही जीवन जगत होता. अलीकडेच सिद्धार्थनं मुंबईच्या पॉश भागात एक घरही खरेदी केलं होतं. सिद्धार्थकडे सध्या हार्ले डेव्हिडसन फॅट बाईक आणि बीएमडब्ल्यू X5 सारखी महागडी कार होती. शालेय जीवनात सिद्धार्थला टेनिस आणि फुटबॉल खेळायला आवडायचे. सिद्धार्थ हा बॉलिवूडचा उगवता ताराही मानला जात होता. तो सर्वाधिक मानधन घेणाऱ्या अभिनेत्यांमध्येही गणला जात होता.
सिद्धार्थची कमाई
सिद्धार्थ शुक्लाच्या कमाईचे मुख्य स्त्रोत अभिनय आणि ब्रँड एन्डोर्समेंट होतं. तो एका ब्रँडच्या अनुमोदनासाठी एक चांगली रक्कम आकारत होता. कमाईबरोबरच, सिद्धार्थ दानधर्म आणि सामाजिक कार्यातही अग्रेसर होता. सिद्धार्थ चित्रपट आणि मालिकांमधून दरवर्षी सुमारे एक कोटीची कमाई करत होता, तर तो ब्रँड एन्डोर्समेंटमधून वर्षाला एक ते दोन कोटी रुपये कमवत असे. सिद्धार्थ देशातील लोकप्रिय अभिनेत्यांपैकी एक बनला होता. सिद्धार्थनं वैयक्तिकरित्या खूप गुंतवणूक केली होती आणि तो रिअल इस्टेटमध्येही गुंतवणूक करत होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.