Simi Garewal Brett Lee Australian Fast Bowler Sing Song : ऑस्ट्रेलियाचा महान वेगवान गोलंदाज ब्रेट ली हा त्याच्या आगळ्या वेगळ्या धाटणीच्या व्यक्तिमत्वासाठी ओळखला जातो. ब्रेट लीचे भारत प्रेम हे त्याच्या अनेक चाहत्यांना परिचित आहे. बॉलीवूडच्या प्रसिद्ध गायिका आशा भोसले यांच्यासोबत ब्रेट लीनं एक अल्बमही रेकॉर्ड केला होता. आता ब्रेट ली पुन्हा एकदा वेगळ्या कारणासाठी चर्चेत आला आहे.

बॉलीवूडच्या प्रसिद्ध अभिनेत्री सिमी गरेवाल यांच्या एका शो मध्ये आलेल्या सेलिब्रेटींना ते कशाप्रकारे बोलतं करतात हे दिसून आले आहे. त्यात ब्रेट लीनं त्यांच्या शो मध्ये जाऊन म्हटलेलं गाणं आणि तो व्हायरल झालेला व्हिडिओ तुफान चर्चेत आला आहे. त्या गाण्यानं सिमीजी ब्रेट लीवर फिदा झाल्या आहेत. ब्रेट ली चक्क हिंदी गाणे म्हणत असून त्याचा तो अंदाज नेटकऱ्यांना देखील कमालीचा आवडला आहे. रॉदेंवुझ विथ सिमी गरेवाल असे त्या कार्यक्रमाचे नाव असून तो व्हिडिओ नेटकऱ्यांच्या कमेंटसचा विषय आहे.

Also Read - Shivrajyabhishek Sohala : परकीय जलचरांना वेसण घालणारे एकमेव भारतीय राजे म्हणजे

सोशल मीडियावर व्हायरल झालेला तो व्हिडिओ काही दिवसांपूर्वीचा असल्याचे सांगितले जात आहे. आपल्या वेगवान गोलंदाजीनं दिग्गज फलंदाजांना धडकी भरवणाऱ्या ब्रेट लीचं व्यक्तिमत्व हे नेहमीच चर्चेत राहिलं आहे. क्रिकेट हे त्याचं पहिलं प्रेम असलं तरी गाणं आणि गिटार याविषयी त्याला प्रचंड प्रेम असल्याचे दिसून आले आहे. अशातच सिमीच्या त्या शोमध्ये गेलेल्या ब्रेट ली नं चाहत्यांना जिंकून घेतलं आहे. त्यावर त्याला आलेल्या प्रतिक्रियाही भलत्याच भन्नाट असल्याचे दिसून आले आहे.

सिमीनं ब्रेट ली शी गप्पा मारण्यास सुरुवात केली. त्यावेळी सिमी यांचं हिंदी ऐकून त्यालाही हिंदीतून बोलण्याची हुक्की येते. तो तोडक्या मोडक्या शब्दांत त्याचे हिंदी सुरु करतो. यानंतर ब्रेट ली मुकाबला नावाचे गाणे गाण्यास सुरुवात करतो. गिटार वाजवत ब्रेट ली नं म्हटलेलं ते गाणं सिमीला खूपच भावले. तिनं त्याचं दिलखुलासपणे स्वागत केले.