Singham Again Ajay Devgn: गेल्या अनेक दिवसांपासून सिंघम अगेन सिनेमाची सर्वांना उत्सुकता आहे. सिंघम अगेन सिनेमातील दीपिका पादुकोण, रणवीर सिंग, टायगर श्रॉफ अशा कलाकारांचा लूक व्हायरल झाला.

आता सिंघम अगेनमधील आपल्या सर्वांचा लाडका बाजीराव सिंघम म्हणजेच अजय देवगणचा लूक समोर आलाय.

अजय देवगण पुन्हा एकदा बाजीराव सिंघमच्या भूमिकेत

शेर आतंक मचाता है, और जखमी शेर तबाही. सगळ्यांचा आवडता कॉप.. बाजीराव सिंघम इज बॅक, असं कॅप्शन देत अजय देवगणचा लूक शेअर करण्यात आलाय.

अजय देवगण सिंघमच्या लूकमध्ये एकदम जबरदस्त दिसत असून त्याच्या चेहऱ्यावर प्रचंड राग पाहायला मिळतोय. त्यामुळे सिंघम अगेनमध्ये अजय देवगण पुन्हा एकदा बाजीराव सिंघम बनून सिनेमा गाजवणार यात शंका नाही.

सिंघम अगेन मध्ये दिसणार कॉप युनिव्हर्स

सिंघम अगेनचं दिग्दर्शन रोहीत शेट्टीने केलंय. या सिनेमाच्या निमित्ताने रोहीत एक भन्नाट कॉप युनिव्हर्स समोर आणणार आहे. रोहीत शेट्टीच्या सिंघम अगेन मध्ये अजय देवगण प्रमुख भुमिकेत आहेच. शिवाय अक्षय कुमार, रणवीर सिंग अनुक्रमे सुर्यवंशी आणि सिंबाच्या भुमिकेत झळकणार आहेत.

सिंघम अगेनमध्ये नवीन कलाकार सहभागी

रोहीत शेट्टीच्या सिंघम अगेन या भन्नाट कॉप युनिव्हर्समध्ये यावेळी दीपिका पादुकोण, टायगर श्रॉफ हे सुपरस्टार कलाकार सुद्धा सामील झाले आहेत. याशिवाय अभिनेत्री करिना कपूर सुद्धा सिंघम अगेनमध्ये झळकणार आहे.

अशाप्रकारे सिंघम अगेनमध्ये या सर्व लोकप्रिय कलाकारांना एकत्र पाहणं एक पर्वणी असणार यात शंका नाही. सिंघम अगेन पुढील वर्षी २०२४ ला सिनेमागृहांमध्ये झळकणार आहेत