अनिल कपूर (Anil Kapoor) यांची मुलगी आणि बॉलीवूड अभिनेत्री सोनम कपूर(Sonam Kapoor) प्रेग्नेंट(Pregnant) आहे आणि लवकरच आपल्या पहिल्या अपत्याला जन्म देणार आहे हे आपल्या सर्वांना ठाऊकच आहे. त्यात सोनम आणि पती आनंद अहूजा हे जोडपं सध्याच्या पॉप्युलर जोडप्यांपैकी एक. त्यामुळे यांच्या बाबतीतील अपडेट्स सर्वांनाच जाणून घेण्यात इंट्रेस्ट असतोच. त्यात अचानक बातमी समोर आली आहे की सोनम आणि आनंद आपल्या बाळाच्या जन्माचा आनंद घेतायत. हॉस्पिटलच्या बेडवर सोनमनं आपल्या बाळाला छातीशी बिलगून धरलं आहे. अर्थात हा एक फोटो सध्या जोरदार व्हायरल झाला आहे. कुठलीही कानोकान खबर न देता सोनमनं बाळाला जन्म दिला देखील या चर्चेला उधाण आलं आहे. हे कसं शक्य आहे? पण हा व्हायरल फोटो मात्र हेच सांगताना दिसत आहे.(Sonam Kapoor has become a ‘mother’? Photo of baby in lap on hospital bed goes viral)

व्हायरल फोटोने सगळ्यांचे लक्ष वेधून घेतले आहे. कारण सोनमनं छातीशी घट्ट बिलगून धरललेल्या बाळाचा फोटो खूपच रिअल वाटत आहे. पण आता जरा या व्हायरल फोटोमागचं सत्य जाणून घेऊया.

त्या फोटोत सोनम हॉस्पिटलच्या बेडवर झोपलेली आहे आणि सोनमनं छातीशी एका बाळाला बिलगून धरलं आहे. एका फोटोत सोनम कॅमेऱ्याकडे पहात आहे आणि दुसऱ्या फोटोत सोनम लहान बाळाकडे टक लावून पाहत आहे. पण सोनम सोबतच्या या बाळाचा असलेला फोटो खरा नाही बरं का. आणि सोनम कपूरनं अद्याप आपल्या बाळाला जन्म दिलेला नाही. सोनमचा हा फोटो एडिट केलेला आहे आणि दुसऱ्या फोटोला जोडलेला आहे. या फोटोत काहीच तथ्य नाही.

सोनमने आपल्या प्रेग्नेंसीची घोषणा मार्च २०२२ मध्ये केली होती. त्यानंतर सोनम नेहमीच आपलं बेबी बंप आणि प्रेग्नेंसी ग्लो दाखवणारे फोटो शूट करत सोशल मीडियावर ते पोस्ट करताना दिसली. नुकताच तिचा डोहाळे जेवणाचा सोहळा देखील साजरा करण्यात आला. ज्यातील फोटोंनी सर्वांचे लक्ष वेधून घेतले. आता ती तिच्या प्रेग्नेंसीच्या शेवटच्या टप्प्यात आहे. काही दिवसांपूर्वीच तिनं इन्स्टाग्रामवर एक फोटो पोस्ट करत सांगितलं होतं की,ती आपला पती आनंद अहूजाला मिस करतेय. तिनं लिहिलं होतं-''माझ्या आवडत्या माणसाची मला खूप आठवण येतेय''.

सोनमच्या या फोटोवर पती आनंद अहूजानं कमेंट करत लिहिलं होतं की,''तू सर्वात क्यूट आहेस''. सोनमच्या सिनेमांविषयी बोलायचं झालं तर,सध्या प्रेग्नेंसीमुळे तिनं सिनेमांतून ब्रेक घेतला आहे. तिच्याकडे सध्या 'ब्लाइंड' सिनेमा आहे. ज्यामध्ये ती पूरब कोहली,विनय पाठक आणि लिलेट दुबे यांच्यासोबत दिसेल. बाळाला जन्म दिल्यानंतर काही दिवसांनी सोनम कपूर या सिनेमाच्या शूटिंगला सुरुवात करणार असल्याचं बोललं जात आहे.