मुंबई- साऊथ सुपरस्टार समंथा अक्किनेनी तिच्या अभिनयानेच चाहत्यांना घायाळ करते. मात्र नुकतंच समंथाने तिच्या इंस्टाग्राम अकाऊंटवरुन एक व्हिडिओ पोस्ट केला आहे. या व्हिडिओमध्ये समंथा जबरदस्त वर्कआऊट करताना दिसतेय. समंथा अभिनयासोबतंच तिच्या योगा आणि वर्कआऊटसाठी चाहत्यांमध्ये प्रसिद्ध आहे.  याशिवाय समंथा अनेकदा तिच्या ऑरगॅमनिक फार्मिंगचे फोटो शेअर करत असते.  याआधी देखील समंथाने १०८ सुर्य नमस्कार घातल्याने ती चर्चेत राहिली होती. आता सफेद रंगाच्या टी शर्ट आणि काळ्या रंगाच्या जीम कॉश्च्युममध्ये समंथा वर्कआऊट करतेय.

हे ही वाचा: 'बाहुबली' प्रभासच्या सिनेमात महानायक अमिताभ यांची एंट्री, प्रभासने दिली प्रतिक्रिया  

समंथाचा हा वर्कआऊट व्हिडिओ पाहून चाहत्यांच्या जबरदस्त प्रतिक्रिया येत आहेत. अनेकांनी तर तिला क्वीन म्हटलंय. अभिनेत्री समंथा अक्किनेनी साऊथ सुपरस्टार नागार्जुन यांची सून आहे. तर नागार्जुन यांचा मुलगा नागा चैतन्यची ती पत्नी आहे. २०१७ मध्ये दोघांनी लग्न केलं होतं. समंथा आणि नागा चैतन्यची जोडी टॉलीवूडधील सगळ्यात लव्हेबल जोडींपैकी एक आहे. समंथाच्या सिनेमांच्या बाबतीत सांगायचं झालं तर तिच्या चाहत्यांसाठी एक आनंदाची बातमी आहे.

समंथा लवकरंच हिंदी सिनेमात पदार्पण करणार आहे. तसंच ती 'द फॅमिली मॅन सीझन २' या वेबसिरीजमध्ये देखील दिसणार आहे. यासाठी समंथा खूपंच उत्सुक आहे. सोबतंच ती विग्नेश शिवन दिग्दर्शित करत असलेल्या kaathu Vaakula Rendu kadhal  या सिनेमात दिसणार आहे. या सिनेमात तिच्यासोबत विजय सेतुपती आणि नयनतारा देखील दिसतील. अभिनेता नागा चैतन्यचा आगामी लव्ह स्टोरीमध्ये त्याच्यासोबत साई पल्लवी देखील आहे. या सिनेमातं शूटींग जवळपास पूर्ण झालं आहे.     

south superstar samantha akkineni workout video went viral