Animal Bobby Deol News: 'अ‍ॅनिमल' सिनेमा सध्या चांगलाच चर्चेत आहे. या सिनेमाने बॉक्स ऑफीसवर आजवर चांगली कामगिरी केलीय.  'अ‍ॅनिमल' सिनेमाने जगभरात बॉक्स ऑफीसवर ५०० कोटींपेक्षा जास्त कमाई केलीय.

'अ‍ॅनिमल' मधलं जमाल कुडू हे गाणं सध्या चांगलंच गाजतंंय.  'अ‍ॅनिमल' मधील बॉबी देओलच्या एन्ट्रीला हे गाणं वाजतं. हे गाणं आणि त्यावर केलेली बॉबी देओलची डान्स स्टेप सध्या चांगलीच गाजतेय. पण ही डान्स स्टेप कशी निर्माण झाली. त्यामागचा हा किस्सा वाचा.

बॉबीने एका मुलाखतीत हा किस्सा सांगितला. बॉबी म्हणाला, "संदीप रेड्डी वंगाने मला आधीच म्यूझिक ऐकायला लावले होते. त्याला संगीताची खूप चांगली समज आहे. त्याला चित्रपट निर्मितीशी संबंधित सर्व गोष्टींची चांगली जाण आहे. त्याला हे गाणे कुठेतरी सापडले आणि मला ते गाण्यास सांगितले. तुझ्या एंट्रीमध्ये मी हे म्यूझिक वाजवेल. यानंतर जेव्हा आम्ही शूटिंग सुरू केले, तेव्हा कोरिओग्राफरने सांगितल्याप्रमाणे मी नाचू लागलो. पण तो मला म्हणाला नाही.. नाही.. बॉबी देओलसारखे करू नकोस. मग सौरभ, जो माझ्या भावाची भूमिका करतो. मी त्याला म्हणालो, 'तू ही डान्स स्टेप कशी करशील."

बॉबीने पुढे सांगितले की, "मला अचानक मी तरुण असतानाचा काळ आठवला. जेव्हा मी पंजाबमध्ये जाऊन इतरांसोबत डोक्यावर ग्लास ठेऊन दारू प्यायचो. आम्ही हे का केले हे मला कधीच समजले नाही. हे अचानक माझ्या मनात आले आणि मी ते केले. संदीपला ते आवडले."

अशाप्रकारे जमाल कुडूची डान्स स्टेप तयार झाली.

'अ‍ॅनिमल' ची बॉक्स ऑफीस कमाई

'अ‍ॅनिमल' सिनेमाने Sacknilk रिपोर्टनुसार, रिलीजच्या सातव्या दिवशी 25.50 कोटी रुपयांची कमाई केली आहे. या आकडेवारीसह अ‍ॅनिमल'ने एकूण आठवड्याभरात जगभरात ६०० कोटींपेक्षा जास्त गल्ला जमवला आहे.

अ‍ॅनिमल सिनेमात रणबीर कपूर, बॉबी देओल, रश्मिका मंदाना, तृप्ती डिमरी यांच्या भूमिका आहेत.