Sukesh Chandrashekhar ED Case: बॉलीवूडमधील प्रसिद्ध अभिनेत्री जॅकलीन फर्नांडिझच्या बाबत एक धक्कादायक माहिती समोर आली आहे. गेल्या काही दिवसांपासून ईडीचा फेरा जॅकलीनभोवती फिरतो आहे. त्यातून अनेक वेगळीच माहिती आली आहे. दोनशे कोटींचा गैरव्यवहार करणाऱ्या सुकेश चंद्रशेखरशी संबंध असणाऱ्या जॅकलीनबाबत त्यानेच एका पत्रातून मोठा खुलासा केला आहे.

सुकेश हा सध्या मंडोली कारागृहात कैद आहे. त्यात सहआरोपी म्हणून जॅकलीनही आहे. यापूर्वी अभिनेत्री नोरा फतेहीला देखील चौकशीसाठी बोलवण्यात आले होते. सुकेशनं जॅकलीनला कोट्यवधी रुपयांच्या भेटवस्तू दिल्या होत्या. त्या तिलाच नव्हे तर तिच्या कुटूंबियांना देखील त्यानं तशाच प्रकारच्या वस्तू दिल्या होत्या असे तपासातून समोर आले होते. जॅकलीनचे ते प्रकरण न्यायप्रविष्ट असून पुढील महिन्यात त्यावर सुनावणी होणार आहे.

ईडीनं केलेल्या तपासातून सुकेशनं एका पत्रातून खळबळजनक खुलासा केला आहे. त्यानं ते पत्र आपल्य़ा वकीलांना पाठवले आहे. त्या पत्रात तो म्हणतो, जॅकलीन ही निर्दोष आहे. यात तिचा काहीही गुन्हा नाही. पीएमएलए प्रकरणात तिला सहआरोपी का म्हटलं आहे हे काही कळायला मार्ग नाही. माझ्यावर देखील जे आरोप आहेत त्यात काहीही तथ्य नाही. काल्पनिक गोष्ट तयार करुन माझी बदनामी केली जात आहे.

मी जर जॅकलीनला किंवा तिच्या कुटूंबियांना गिफ्ट दिले असतील तर त्यात तिचा काय दोष? जॅकलीनची इच्छा होती की, मी तिच्यावर प्रेम करावं. आणि नेहमी तिला पाठींबा देऊ. तिला मी ज्या काही वस्तु दिल्या त्या सगळ्या माझ्या कमाईच्या, मेहनतीनं कमवलेल्या पैशांच्या होत्या. एक गोष्ट मात्र नक्की मी तिच्यावर नेहमीच प्रेम करत आलो आहे आणि राहिल. तिच्यासाठी काहीही करेल. असेही सुकेशनं त्या पत्रात म्हटले आहे.