मुंबई- देशभरात सध्या कोरोना व्हायरसपासून खबरदारी म्हणून लॉकडाऊन सुरु आहे..या लॉकडाऊनमध्ये घरी कंटाळलेले लोक सोशल मिडियावर मात्र जास्त ऍक्टीव्ह आहेत..केवळ सामान्य नागरिकंच नाहीत तर नेहमी शूटींगमध्ये व्यस्त असणारे सेलिब्रिटीही या काळात सोशल मिडियावर चाहत्यांसाठी त्यांचे अपडेट्स शेअर करताना दिसत आहेत..खास करुन शूटींगमुळे स्वतःच्या आवडीनिवडींकडे लक्ष देऊ शकत नसलेले सेलिब्रिटी लॉकडाऊनमध्ये मात्र त्यातंच रमले आहेत...नुकताच अभिनेत्री सुप्रिया पिळगांवकर यांनी त्यांचा एक डान्स व्हिडिओ पोस्ट केला..हा व्हिडिओ पाहून चाहते त्यांच्या प्रेमात पडले आहेत..

हे ही वाचा: बिग बॉस फेम आरतीचा एका महिन्यात बदललेला हा लूक पाहिलात का?

अभिनेत्री सुप्रिया पिळगांवकर यांनी वयाची पन्नाशी ओलांडल्यानंतर आपण चांगले नृत्य करु शकतो का हे पाहण्यासाठी एक डान्स व्हिडिओ तयार केला..या व्हिडिओमध्ये त्या जा रे जा हरजाई या गाण्यावर थिरकताना दिसत आहेत..हा व्हिडिओ पोस्ट करताना सुप्रिया लिहीतात,  कलाकार म्हणून ब-याचदा आम्हाला असं सांगितलं जातं की तुम्ही तुमच्या घरात तुमच्या कम्फर्टनुसार सेल्फ टेस्ट पाठवा खासकरुन तेव्हा जेव्हा काहीतरी हटके सादर करायचं असतं..तर हा छोटासा प्रयत्न यासाठी आहे की मला स्वतःला सेल्फ टेस्ट करुन पाहायचं आहे की मी आजही पहिल्यासारखीच व्यवस्थित नाचु शकते का? मला हा डान्स करण्यापूर्वी थोडसं दडपण होतं मात्र एकदा गाणं सुरु झालं आणि दडपण गेलं..मग मी मोकळेपणाने नाचू लागले..मला असं वाटतं की हीच माझ्यासाठी अभिनय कला आहे..'

काही दिवसांपूर्वी सुप्रिया यांनी ससुराल गेंदा फुल मालिकेच्या सेटवरचा एक डान्स व्हिडिओ पोस्ट केला होता..त्यांना हा व्हिडिओ कोणीतरी पाठवल्याचं त्यांनी या पोस्टमध्ये म्हटलंय..हा व्हिडिओ पाहुन त्यांच्या चेह-यावर हसू आलं आणि त्यांना सेटवरच्या आठवणीत नेलं..या व्हिडिओमध्ये त्या आज फिर जिने की तमन्ना है या गाण्यावर डान्स करताना पाहायला मिळतायेत...

सुप्रिया यांचे हे डान्स व्हिडिओ पाहुन चाहते पुन्हा एकदा त्यांच्या प्रेमात पडले आहेत..तसंच अनेकांनी त्यांच्या या व्हिडिओवर प्रतिक्रिया देत त्यांना उत्तम डान्सर असं म्हटलंय तर काहींनी त्यांना पुन्हा पडद्यावर डान्स करताना पाहण्याची इच्छा व्यक्त केली आहे..  

supriya pilgaonkar looks graceful in this dance video